GEC EWE Hymn

GEC Hymn 95

Stanza 1
O Yesu, na wò kumoɖoɖo
Nali ɖe nye luʋɔ me ke.
Na bena wò avuléle la
Nanɔ nye ŋku me ɣesiaɣi.
Kpɔ ɖa, menyi akpedafe ‘ŋu;
Nye nu vɔ̃ ta, nye nu vɔ̃ ta.
Wò ʋu dzadzɛ la nèkɔ ɖ’a-nyi
Yɔ dɔm, ɖe nye hiã ɖa godoo.

Stanza 2
Yesu ƒe fukpekpe kpɔkpɔ ɖa
Naa dzideƒo xɔsetɔ la
Eƒe ʋu, si ɖuɖu geɖe la,
Nye dzidzɔvudo vavãtɔ.
Ne eƒe ŋusẽ yɔ dzi me fũ,
Eƒe lɔlɔ̃ xɔ ‘yama me,
Eƒe xɔlɔ̃mo kpl’a-kɔfafa
Na dzudzɔ luʋɔ dahe la.

Stanza 3
Tanye, ɛ̃ tanye Yesu ku ɖo;
Nye nu vɔ̃woe de ‘yama yɔ.
Eɖe gbeƒã xɔxɔnya la nam,
Agbe mavɔ ƒe tsi wònam.
O lɔlɔ̃ ƒe tɔsisi zɔzrɔ̃e,
Nye dzi anɔ nuvo na wò;
O ŋutifafavudo mamie,
Kɔ ɖokuiwò ɖe menye duu!

Stanza 4
Aƒetɔ Yesu, nàve nunye!
Xɔm le wò vevesese ta!
Metsɔ wò ɖo nye dzi ƒe tu me,
Na maɖo ŋu wò lɔlɔ̃ ɖaa!
Lɔlɔ̃, si he wò yi ku me nam,
Si ɖem tso nuxaxa la me,
Nye hã malɔ̃ wò kple dzi blibo;
Aƒetɔ, nàkpe ɖe ŋunye!

Stanza 5
Ne nye ŋkekewo de maku la,
Xɔm le wò dɔmenyonyo me!
Ekem makpɔ wò kple nye ŋkuwo
Le wò ŋutikɔkɔe gã me.
Ekem luʋɔ, si nèyɔ dɔe la,
Adzudzɔ le wò akɔ nu.
Afi ma makafu wò tegbee
Le wò lɔlɔ̃ mavɔ la ta.

LEAVE A REPLY

Please enter your comment!
Please enter your name here