GEC EWE Hymn

GEC Hymn 93

Stanza 1
Alẽvi la tsɔ nu vɔ̃ keŋ,
Si xexeame katã wɔ;
Etsɔ dzigbɔɖi kple lɔlɔ̃,
Tsɔ mí katã ƒe nu vɔ̃.
Kpɔ ale si wògbɔdzɔ ɖa.
Etsɔ ‘ɖokui na ‘mewula,
Mekpɔ dzidzɔ ɖeke o;
Elɔ̃ be yeakpe fu sia fu,
Abiwo, ŋuwo, kple ku hã,
Ebe: Melɔ̃ makpee faa.

Stanza 2
Alẽvi sia enye xɔ̃nye
Kple nye luʋɔ ƒe ɖela;
Elèa fu nu vɔ̃wo katã,
Ke enye avuléla.
Heyi, vinye, nàɖe ame:
Woƒe nu vɔ̃ kple vodada
Na wozu dzikuviwo;
Woxɔ nu vɔ̃ ŋu tohehe,
To wò ku kple wò ʋu me ko
Nàxɔ woƒe nya ɖ’a-kɔ!

Stanza 3
Ɛ̃, Fofonye, melɔ̃ edzi!
Nu si nèɖo nam, mawɔ;
Nye lɔlɔ̃nu ku ɖe ŋuwo,
Nu si nègblɔ, nava me!
O lɔlɔ̃ goglo, si de to,
Wòe wɔ nu sia míesusu o;
Mawu ɖ’a-si le via ŋu.
Lɔlɔ̃ mavɔ, si goglo la,
Edɔ via ɖe ku kple yɔ me,
‘Me si ƒo nuwo keŋ ta.

Stanza 4
Zi ale si mele agbe,
Wò ko anɔ menye ɖaa;
Esi nèlɔ̃m ale gbegbe,
Nye hã maxɔ wò atuu;
Wòe nye nye dzi ƒe kekeli,
Eye ne nye dzi sia gbã hã,
Nàwɔe wòazu dzi yeye:
Wòe metsɔ ɖokuinye na faa,
Bena manye tɔwò tegbee,
Le agbe kple ku hã me.

Stanza 5
Madzi wò lɔlɔ̃ ŋuti ha,
Le ɣeawo katã ɣi me;
Eye matsɔ ɖokuinye hã
Awɔ vɔsasa na wò.
Nye agbe ƒe tɔʋu lee la,
Nasi ɖo ta gbɔwò ɖaa he,
Abe akpedada ‘ne;
Nu nyui, si katã nèwɔ nam,
Nanɔ nye dzi me ke ɖaa he,
Axɔ nye susuwo me.

Stanza 6
Ne maɖo wò fiaɖuƒe me
Le dzidzɔ gbãgo ma me,
Wò ʋu la aɖo atsyɔ̃ nam
Anye nye awu mado,
Kple fiakuku hã, si maɖɔ,
Anɔ Fofo la ƒe zi ŋgɔ,
Wòe ƒlee nam to wò ku me;
Wòe tsɔm d’a-si na Fofo la,
Abe vi, si nèɖe ene,
Be manye etɔ ɖaa si.

LEAVE A REPLY

Please enter your comment!
Please enter your name here