GEC EWE Hymn
GEC Hymn 91

Stanza 1
Nye fia, ʋu kple abiwo,
Veve kple ŋukpe sɔŋ
Wode ŋutiwò azɔ;
Ewɔ nuku nam keŋ!
Ŋuka wotsɔ ha tsihe,
Heɖɔ ɖe ta na wò;
Nye fia, si wo katã gbe,
Mele gbe dom na wò!

Stanza 2
Ale ke wɔ, wò ŋkume,
Si ŋutikɔkɔe xɔ,
Si dzi ŋɔ na futɔwo,
Wɔ nublanui azɔ?
Wò ŋku ƒe keklẽ nyui la
Fa ‘kɔ na ‘me geɖe;
Azɔ zã do ɖe wò ŋ’tɔ,
Xexea ƒe keli la!

Stanza 3
Wò nu, si gblɔ agbenya
Na dɔlèlawo tsã,
Mía kpoo hezi kpi azɔ,
Agbevudo la xe!
Asi kpl’a-fɔ, siwo nɔ
Dɔ nyui wɔwɔ dzi ɖaa,
Woklã ɖ’aɔ̃titsoga ŋu
Kple ŋutasesẽ gã.

Stanza 4
Nye fia, wò fukpekpe sia
Tso nye vodada gbɔ;
Nye boŋ wòdze be, makpɔ
Tohehe sesẽ sia.
Kpɔm ɖa, ame si ko dze
Dziku la, enye ‘si!
Wò, amenuvela gã,
Ve nye vɔ̃wɔla nu!

Stanza 5
Aƒetɔ, megagbem o,
Tsɔ nye nuvɔ̃wo kem!
Ŋuwò ko maɖo dzi ɖo,
Be naɖo ŋku dzinye.
Akɔfafa, si hiãm la,
Wò ko si me wòle.
Afika mayi ɖo?

Stanza 6
Na manɔ gbɔwò l’ afi,
Megado ŋukpem o!
Ne wò agbe nu tsi hã,
Nye magblẽ wò ɖi o;
Ne àde wò ta anyi
Le numiamiã me hã,
Maku ɖe ŋuwò tsehe
Kple xɔse ƒe ŋusẽ!

Stanza 7
Nu gã, si nèwɔ nam la,
Megazu dzodzro o!
Na wò lɔlɔ̃ gã ku sia
Natrɔ zu ɖeɖe nam!
Matsɔ nye agbe na wò,
Be wòazu tɔwò keŋ,
Ne makpɔ agbe yeye
Le wò ku kɔkɔe me!

Stanza 8
Oo Yesu, xɔnye vevi,
Meda akpe na wò!
Wòelɔ̃, se ku ƒe veve,
Be ŋutinye nafa.
Do ŋusẽm, bena nye hã
Manɔ ŋuwò tegbee!
Eye ne meva ku la,
Madzo le fafa me.

Stanza 9
Ne nya tsotsoɣi la ɖo,
Xɔla, nanɔ gbɔnye!
Ne ku tsi nye agbe nu,
Xɔm atuu ɖe aƒe!
Ne ŋɔdzidodowo wum,
Metsi dzodzodzoe la,
Wò ku me ŋɔdzidodowo
Nazu ny’ akɔfafa!

Stanza 10
Ne meɖo kudo nu la,
Naɖe ɖokuiwò fiam
Wò kuku l’ ati ŋuti
Le Golgata la dzi!
Na malé ŋku ɖe ŋuwò,
Ahalɔ̃ wò atuu
Kple nye ŋusẽ mamletɔ!
Ale mayi gbɔwò!

LEAVE A REPLY

Please enter your comment!
Please enter your name here