GEC EWE Hymn

GEC Hymn 76

Stanza 1
Mawu ƒe hadziha gãwo le dziƒo, mikafui!
Midzi akpedaha na nuvɔ̃wɔlawo ɖela!
Mikpɔ ɖa ko!
Mawu ƒe dɔme gatrɔ
Ðe via, siwo bú ɖee la, ŋu.

Stanza 2
Dzifoɔ̃kpl’ anyigba dzi nɔlawo katã, mikafui!
Mawu kple vɔ̃wɔlawo va zu xɔlɔ̃wo fifi
Dzi nedzɔ mi
Gbesiagbe zã kple keli!
Kafukafu woana Mawu!

Stanza 3
Mikpɔ nukunu sia ɖa: Mawu bɔbɔ eɖokui!
Mikpɔ lɔlɔ̃, si wòɖe fiamí amegbetɔwo!
Ezu vidzi,
Etsɔ nuvɔ̃wo ke mí
Mí katã midze klo subɔe!

Stanza 4
Mawu va trɔ zu ame! Mikpɔ
nukunu sia ɖa!
Woʋu agbegbo la da ɖi na mí be míate va
Mige ɖe me!
Ekema miakpɔ agbe,
Si ke dim mielela , vavã.

Stanza 5
Mawu kɔkɔe la ɖo ŋku nye
nuvɔ̃wɔla hã dzi,
Ele didim be, yeatsɔ lɔlɔ̃ gã sia kem fifi.
Mawu, va xɔm!
Eyaŋuti dzidzɔm
Le Yesu, ɖelanye, ŋuti.

Stanza 6
Ŋutikɔkɔefia, si trɔ zu vidzi ɖe mía ta la
Matsɔ nye dzi hã d’ asi na wò kple lɔlɔ̃nu faa.
Wò koe matia,
Wò koe nye kplɔlanye ɖaa
Magbe nuvɔ̃wɔwɔ azɔ.

Stanza 7
Yesu, nye ɖela, va nɔ nye hã nye
dzi me ɖaasi!
Va xɔm, nye ɖela; ne ègbem la,
ekema matsrɔ̃!
Va nɔ menye,
Nawɔ ɖeka kplim tegbee!
Wò ŋutɔ yɔm, mazu tɔwò.

Stanza 8
Yesu, nye xɔlɔ̃, malɔ̃ wò, makafu wò tegbee.
Do ŋusẽm, mawɔ wò lɔlɔ̃nu blibo gbesiagbe
Ðelanye, xɔm,
Wò Gbɔgbɔ nyui la nakplɔm
Yiɖase agbe mavɔ me!

LEAVE A REPLY

Please enter your comment!
Please enter your name here