GEC EWE Hymn

GEC Hymn 62

Stanza 1
Esime míaƒe ɖela
Yi Yerusalem la,
Ðeviwo va yi ɖakpee,
Dzi ha viviwo nɛ.
Ðela xɔ wo kple dzidzɔ.

Woƒe hadzidzi dze ‘ŋu.
Elɔ̃ woƒe dzidzɔha
Kple Hosianaha la.
I: Hosiana, Hosiana :I
Hosiana, mía fia la gbɔna.

Stanza 2
Mía xɔla ɖu fia azɔ
Le Zion to la dzi.
Elɔ̃a ɖeviwo ƒe nya,
Lɔ̃a woƒe hadzidzi.
Eya ta miva dze klo

Ðe eƒe fiazikpui ŋgɔ,
Akafu David vi la,
Adzi Hosiana nɛ!
I: Hosiana, Hosiana! :I
Hosiana, mía fia la gbɔna!

Stanza 3
Ne miegbe kafukafu
Eye miezi kpi la,
Ekem kpewo ladzi ha,
Akafu eƒe ŋkɔ.
Ðe míatsɔ hadzidzi ko

Anɔ fefem dzodzro ma?
Gbeɖe, míatsɔ mía gbɔgbɔ
Kple míaƒe dzi anɛ!
I: Hosiana, Hosiana! :I
Hosiana, mía fia gbɔna la!

LEAVE A REPLY

Please enter your comment!
Please enter your name here