GEC EWE Hymn

Stanza 1
Miʋu agboawo da ɖi siãa,
Aƒetɔ kɔkɔe la gbɔna:
Eya nye gã wu fia sia fia,
Enye xɔla na xexeame,
Eya na ɖeɖe kple agbe.
‘Ya ta míadzi ha kple dzidzɔ:
Mikafu Mawuvi,
Mía wɔla lɔlɔ̃ tɔ.

Stanza 2
Dzɔdzɔetɔ kple kpeɖeŋutɔ
Enye mía ɖela lɔlɔ̃tɔ.
Eƒe fiawu nyui la enye
Dzɔdzɔenyenye mavɔmavɔ;
Eƒe fiatikplɔ nye lɔlɔ̃.
‘Ya ta míadzi ha kple dzidzɔ:
Mikafu mia Mawu,
Mía xɔla ŋusẽtɔ!

Stanza 3
Enyo na dukɔ, siwo xɔ
Fia gã sia tɔgbi ɖe wo gbɔ.
Enyo na dzi sia dzi, si me
Fia gã sia tso aƒe ɖo la.
Eya enye míaƒe ɣe la,
Edoa dzidzɔ na mí tegbee:
Míakafu mía Mawu,
Mía ‘ɖaŋuɖola gã!

Stanza 4
Miʋu ʋɔtruawo da ɖi siãa,
Midzra míaƒe dziwo ɖo keŋ!
Mifia be Kristo tɔ mienye
Ame sia ‘me, si ƒo xlã mi!
Ekem fia sia ava mia gbɔ
Kple eƒe lɔlɔ̃ blibo la.
Makafu nye Mawu,
Si ɖem kple eƒe ʋu!

Stanza 5
Va, mía xɔla, Yesu Kristo!
Mía dzi me ʋɔtruwo ʋu ɖi.
Va ge ɖe me kple wò lɔlɔ̃,
Va mía gbɔ abe xɔlɔ̃ ‘ne!
Gbɔgbɔ Kɔkɔe la hã nanɔ
Mía dziwo me kpakple dzidzɔ:
Mía xɔla, míabu wò
Egbe kple tegbee!

LEAVE A REPLY

Please enter your comment!
Please enter your name here