GEC EWE Hymn

Stanza 1
Ale ke gɔ̃ maxɔ wòe
‘Ye mado dzaa na wòe?
Wò, xexeme ƒe ɖela,
Luʋɔnye ƒe xɔlɔ̃
O Yesu, klẽ ɖe menye,
Ne mateŋ’ adze si,
Nu si doa dzidzɔ na wò
Ne mawɔ eya ko!

Stanza 2
Wò Zion tsɔ deʋaya
Ðo ɖe mɔ dzi na wò.
Nye la madzi ha na wò
Le dzinye me ɖaa he,
Eye mado vevi ɖaa
Akafu wò ŋkɔ la,
Eye masubɔ wò ɖaa
Le nyateƒe la me.

Stanza 3
Nu ka ta nètso dziƒo
Va xexe sia me ɖo?
Wò dɔme trɔ ɖe mía ŋu
Le lɔlɔ̃ sɔŋ ko ta.
Èkpɔ míaƒe hiahiãwo
Kple xaxa katã ɖa.
Eya ta ko mète ŋu
Gbe mía gbɔ vava o.

Stanza 4
Nɔviwo, migavɔ̃ o!
Migatsi dzi hã o!
Míahee vɛ sesẽtɔe o;
Mehiã dzizizi o!
Lɔlɔ̃ faa wòtsɔ gbɔna,
Eye ‘ƒe dɔme fa;
Aɖe mi tso mia xaxa
Kple hiãwo katã me.

Stanza 5
Migana mia nu vɔ̃wo
Nadzi ŋɔ na mi o la!
Mia ɖela atsɔ lɔlɔ̃
Aɖe wo katã ɖa.
Eya ŋuti wògbɔna,
Be yeaɖe fɔɖila,
Ne wòazu mawuvi gɔ̃
Kple dziƒonɔla hã.

Stanza 6
Egbɔna ʋɔnu drɔ̃ ge
‘Ƒe ɖiŋudolawo;
Gake akpɔ nublanui
Na ‘me siwo lɔ̃nɛ.
Ɛ̃, va kava, mía ɖela,
Ne nàkplɔ mí katã
Yi kekeli mavɔ me,
Le wò fiaɖuƒe me!

LEAVE A REPLY

Please enter your comment!
Please enter your name here