GEC EWE Hymn

Stanza 1
Aƒetɔ Yesu nye mía ɖela sesẽ
Gbɔgbɔ la do ŋusẽe be wò do vevie
Eya kple Fofoa ƒe lɔlɔ̃ wɔ ɖeka;
Eyata wò trɔ zu míaƒ’ avuléla.

Stanza 2
Nuvɔ̃ siwo katã le mía ŋuti la,
Etsɔ wo katã ɖe eɖokui dzi faa.
Enɔ Fofoa ɖeɖe ƒe gbe dzi tegbee;
Nenem eye wòwɔ eɖokui kɔkɔe.

Stanza 3
Mawu gbɔ wòtso va xexe vɔ̃ sia me,
Etsɔ Mawu ŋuti nya va gblɔ na mí.
Elɔ̃ mi, eƒe dɔme trɔ ɖe mía ŋu,
Eku ɖe mía ta, wu mía xɔxɔ la nu.

Stanza 4
Nɔviwo, mine míada’akpe nɛ azɔ,
Bene míagaxɔ lɔlɔ̃ gã sia dzro o.
Aƒetɔ wɔ nenem nu gã sia na mí;
Nuka gɔ̃ míawɔ nɛ ɖe esia teƒe?

Stanza 5
Yesu nɔ Fofo la ŋuti kplikplikpli,
Nenem eye wòkpɔ ŋusẽ hã tso dzi.
Mine míado vevie gbedodoɖa ɖaa,
Be lɔlɔ̃ ƒe ŋusẽ nasɔ gbɔ na mí!

Stanza 6
Oo Yesu, mía ɖela, va do ŋusé mi,
Ale be míate ŋu awɔ wò gbe dzi!
Azɔ la míedze si bena míeda vo;
Na wò Gbɔgbɔ nyui mi, be míazu blibo!

LEAVE A REPLY

Please enter your comment!
Please enter your name here