GEC EWE Hymn

Stanza 1
O, lɔlɔ̃ manyagblɔ sia
Le Mawu ƒe ɖoɖo me!
Vi la trɔ zu ame le bɔbɔɖeanyi me.
Kpɔ fiawo dzi fia gã ɖa!
Emlɔ lãnuɖunu me.
I: Woakafu wò lɔlɔ̃ yi ɖe mavɔ me ke :I

Stanza 2
Le míaƒe fiƒode ta
Ena woklãe ɖ’a-ti ŋu;
Ekpe fu manyagblɔ abe vɔ̃wɔla ‘ne.
Eku, be neyeaɖe mí;
Kpɔ ɖa, emlɔ yɔdo me.
I: Woakafu wò lɔlɔ̃ yi ɖe mavɔ me ke! :I

Stanza 3
Kristo tsi ‘tre, el’a-gbe!
Anyigba ʋuʋu sesiẽ.
Efɔ tso yɔdo me heɖu mía futɔ dzi.
El’a-gbe na mí katã,
Be yeana agbe mí hã!
I: Woakafu wò lɔlɔ̃ yi ɖe mavɔ me ke! :I

Stanza 4
Aƒetɔ la yi dziƒo
Hebɔbɔ nɔ Fofoa gbɔ,
Xɔa míaƒe nye ɖ’a-kɔ le Tɔa gbɔ ɣesiaɣi,
Ðoa ŋku mía dzi gbe sia gbe,
Enyia mí, ekpɔa mía dzi.
I: Woakafu wò lɔlɔ̃ yi ɖe mavɔ me ke! :I

Stanza 5
Míawɔ ɖeka kplii fifi,
Esia nye eƒe didi,
Ne yeawɔ míaƒe dzi ‘ƒe gbedoxɔ kɔkɔe;
Wòazu ‘ƒe fiazikpui hã,
Be yeadzrae ɖo tso vɔ̃a me!
I: Woakafu wò lɔlɔ̃ yi ɖe mavɔ me ke! :I

Stanza 6
Aƒetɔ la gbɔna bla,
Awɔ mí katã ɖeka.
Ekem míaɖu dzi kplii le ŋutikɔkɔe me.
Fiazikpui kple fiakuku
Nye etɔwo ƒe fetu.
I: Woakafu wò lɔlɔ̃ yi ɖe mavɔ me ke!

LEAVE A REPLY

Please enter your comment!
Please enter your name here