GEC EWE Hymn

Stanza 1
Madzi ha na Mawunye ɖaa
Eye mada ‘kpe nɛ hã.
Mekpɔe le nuwo katã me
Be, elɔ̃am vevie vavã.
Nublanuikpɔkpɔdzi li nɛ,
Lɔlɔ̃ ɖeɖe sɔŋ yɔe fũ;
Eɖia anukware ɖaa
Na ame siwo subɔnɛ.
Nu sia nu nu va yina,
Mawu ƒe lɔlɔ̃ li ɖaa.

Stanza 2
Mawu tsɔa lɔlɔ̃ lèa be nam,
Ŋutilã kple luʋɔ siaa,
Abe ale si hɔ̃ wɔna
Na via suewo ene la.
Eya koe kpɔa dzinye tegbee
Tso danye ƒe dɔ me ke,
Gakpɔa dzinye, naa ŋusẽm,
Lèam ɖ’a-si va se ɖe egbe.
Nu sia nu nu va yina;
Mawu ƒe lɔlɔ̃ li ɖaa.

Stanza 3
Eƒe lɔlɔ̃vi ɖeka hɔ̃
Wòtsɔ hena ɖe tanye,
Bene wòaɖem tso nye nu vɔ̃
Kpl’a-bosam ƒe ŋusẽ me.
Vavã, lɔlɔ̃ sia me goglo!
Ne medi ‘gɔme hã la,
Nyemele ‘me se ge o.
Eya ta nye hã malɔ̃e ko.
Nu sia nu nu va yina;
Mawu ƒe lɔlɔ̃ li ɖaa.

Stanza 4
Etsɔ eƒe Gbɔgbɔ la nam,
To eƒe nya nyui la me;
Be ne wòanye dzinyeɖula,
Si akplɔm ɖo ta dziƒo.
Eya aklɔ nye dzi me keŋ,
Ana xɔse vavã lam,
Si anɔ te gbe sia gbe
Le konyifafa kple ku me.
Nu sia nu nu va yina;
Mawu ƒe lɔlɔ̃ li ɖaa.

Stanza 5
Nye luʋɔ ƒe nyui dim wòle
Le dzidzɔ kple veve me.
Enaa nu sia nu, si hiãm lam,
Hafi meva bianɛ gɔ̃.
Ne nye ŋusẽ kple ŋutete
Wovɔ keŋ le ŋunye la,
Mawu ava de dzinye,
Atsɔ ye ŋtɔ ƒe ŋusẽ nam.
Nu sia nu nu va yina;
Mawu ƒe lɔlɔ̃ li ɖaa.

Stanza 6
Ne medɔ ‘lɔ̃ zã me ke la,
Mawu koe dzɔa ŋutinye.
Enaa ŋu bubu gakena,
Be makpɔ dzidzɔ yeye.
Ne Mawu mekpɔ dzinye o,
Mena ‘ƒe Gbɔgbɔ nyuim o,
Mefia mɔ vavãm o la,
Mabu mɔ eye maɖiɖi.
Nu sia nu nu va yina;
Mawu ƒe lɔlɔ̃ li ɖaa.

Stanza 7
Abosam le nye luʋɔ dim,
Be yeatsrɔ̃e ɖikaɖika.
Gake nyemagavɔ̃nɛ o;
Mawu kpɔa ŋusẽ wui sã.
Mawu dɔa dɔla kɔkɔewo,
Be woaʋli etɔwo ta.
Vɔ̃, si le ƒe ta me la,
Magadze dzi nɛ kuraa o.
Nu sia nu nu va yina;
Mawu ƒe lɔlɔ̃ li ɖaa.

Stanza 8
Ne via ‘ɖe daa tɔa ƒe nya dzi,
Meɖoa to ‘ƒe gbe o la,
Fofoa hã hea to nɛ vavã;
Gake la menyanɛ o.
Nenema ke ne mewɔ vɔ̃
Ðe nye Mawu ŋu hã la,
Ahe to nam ɖe ‘teƒe,
Gake matsɔm aƒu gbe o.
Nu sia nu nu va yina;
Mawu ƒe lɔlɔ̃ li ɖaa.

Stanza 9
Eƒe tohehe kple ƒoƒo
Medzea ŋunye o hafi;
Ke ne mebu ‘ŋuti nyuie la,
Medzea si petee bena,
Lɔlɔ̃ ta koe Mawu nana
Fukpekpe vaa dzinye ɖo.
Edi be atitsoga
Naɖem tso tsɔtsrɔ̃ mavɔ me.
Nu sia nu nu va yina;
Mawu ƒe lɔlɔ̃ li ɖaa.

Stanza 10
Esia dea dzi ƒo nam blibo,
Be ne maɖo ŋku dzi ɖaa
Be fukpekpe nu ava tsi.
Mawu aɖo seƒe nɛ.
Ne ahom sesẽ tu vɔ la,
Ɣe la agaklẽ na mí.
Eya ta magbɔ dzi ɖi,
Makpɔ mɔ na nye dzidzɔgbe.
Nu sia nu nu va yina;
Mawu ƒe lɔlɔ̃ li ɖaa.

Stanza 11
Mawu, wò lɔlɔ̃ la sɔ gbɔ,
Enu metsina kpɔ o.
Eya ta meda ‘kpe na wò,
Gale kuku ɖem na wò,
Nàxɔm manye tɔwò tegbe;
Matsɔ nye ŋusẽ katã
Alɔ̃ wò zã kple keli
Le ny’a-gbenɔɣi katã me.
Ke gb’a-ɖe gbe malɔ̃ wò
Tegbetegbe le dziƒo!

LEAVE A REPLY

Please enter your comment!
Please enter your name here