GEC EWE Hymn

Stanza 1
Wɔla, ne mele wò ŋusẽ,
Wò mɔwo kple wò nunya
Kple wò lɔlɔ̃, si kpɔa mía ta
Ŋuti bum vevie ko la,
Nye nu kuna, nye mo wɔa yaa.
Ale ke gɔ̃ makafu wòe,
Mawunye kple Fofonye!

Stanza 2
‘Fi sia fi si metrɔ ŋku ɖo,
Mekpɔa wò nukudɔwo.
Dziƒo, si ŋuti kɔ ta la,
Le kafuwòm, mía Mawu.
Ame kae wɔ ɣe ɖe dziƒo?
Ame kae wɔ ɣletiviwo?
Ame kae na woklẽna?

Stanza 3
Ame kae fia mɔ dziya hã?
Ame kae na tsi dzana?
Ame kae na ’nyigba wɔa nu,
Tsea ku geɖe na mí ma?
Mawu, mía Fofo ŋusẽtɔ,
Wò dɔmenyo sɔ gbɔ ŋutɔ
Ðase alilikpo ke.

Stanza 4
Ɣetotoewo kple yaƒoƒo;
Atsiaƒu kple ƒutake,
Kple nu sia nu, si tana la,
Tsɔa bubu na mía wɔla.
Ati ƒose sia ‘ti ƒose
Kple nu miemiewo katã be:
Míakafu míaƒe Wɔla!

Stanza 5
Mawu, ame ƒe ŋutilã,
Si nèwɔ kple aɖaŋu,
Ame ƒe gbɔgbɔ kple luʋɔ,
Si tea ŋu dzea si wò la,
Ame, wò nuwɔwɔ ƒe ta,
Eya nye dzesi vavãtɔ,
Be dɔmenyotɔ nènye.

Stanza 6
Nye gbɔgbɔ hã akafu wò,
Akafu wò ŋkɔ gã la.
Woakafu wò, Fofo Mawu,
Si ƒoa nuwo katã ta.
Ame sia ‘me navɔ̃ wò ko,
Asubɔ wò kpakple dzidzɔ.
Ame ka malɔ̃ o ma?

LEAVE A REPLY

Please enter your comment!
Please enter your name here