GEC EWE Hymn

Stanza 1
Aƒetɔ, nye luʋɔ dzɔ dzi,
Eye makafu wò.
Ny’a-ɖe kple nye dzi le ha dzim,
Le wò dɔmenyo ta.

Stanza 2
Wò ŋkɔ nye amenuvela!
Wòe wɔa nu nyuiwo sɔŋ.
Èkpɔa mía ta zã kple keli;
Mèdzudzɔna kpɔ o.

Stanza 3
Nu siwo katã le mía si
Kple nu si míenye hã,
Ðe menye wòe na wo mí oa?
Mía Fofo lɔlɔ̃tɔ?

Stanza 4
Ame kae wɔ dziƒo godoo,
Ame kae naa zãmu,
Agbafie kple tsi hã dzana
Ðe míaƒ’a-nyigba dzi?

Stanza 5
Ame kae naa ɣe la klẽna?
Ame kae naa ɣleti,
Kple ɣletiviwo hã ɖina?
Wò Mawu gã la koe!

Stanza 6
Ame ka gɔ̃e na agbe mí,
Na mía du me fana?
Aloo menye wò Mawu gã,
Si nye Fofo la oa?

Stanza 7
Wòe dzɔa mía xɔwo ŋu na mí,
Bena míanɔ dedie.
Wòe naa mía nuɖuɖu hã mí
Kple nu nyui geɖewo.

Stanza 8
Wòe kpɔa mía dzi le fuwo me
‘Ye nèɖea mí le me.
Na wò ŋku nanɔ mía dzi ɖaa
Kple amenuveve.

Stanza 9
Nu vɔ̃ wɔlawo ko mìenye;
Wòe gbɔ dzi ɖi na mí.
Ne míetrɔ tso nu vɔ̃ me la,
Ètsɔa wo kea mí faa.

Stanza 10
Ne dzika tso mía ƒo vevie
Le mía nu vɔ̃ ŋuti,
Wò dɔme trɔna ɖe mía ŋu,
‘Ye nèfaa ‘kɔ na mí.

Stanza 11
Wòe naa dziƒonu nyuiwo mí;
Ne míedzo l’a-fi la,
Èxɔa mí yi ɖe dziƒo ʋĩ,
Afi si míanɔ ɖaa.

Stanza 12
Makpɔ dzidzɔ ‘ye madzi ha,
Be malè dzi ɖe ƒo!
Mawu, nuwo katã ƒe ta,
Ŋutɔ nye mía Fofo.

LEAVE A REPLY

Please enter your comment!
Please enter your name here