GEC EWE Hymn

Stanza 1
Mawu ƒe lɔlɔ̃ la esɔ gbɔ.
Ame ka medze sii o ma?
Ame ka asẽ dzime ale,
Be wòagbe akpedada nɛ?
O, eƒe lɔlɔ̃ me dzodzro ko
Nanye nye dɔ vevitɔ ɖaa.
Mawu meŋlɔm be kpɔ gbeɖe o;
Nye dzi hã megaŋlɔe be o!

Stanza 2
Ame ka wɔm nukutɔe ale?
Mawu, si mehiãm kpɔ o lae!
Ame ka kplɔm kpakple dzigbɔɖi?
Ame si ƒe nya megbe lae!
‘Me ka naa fafa nye dzitsinya
Kple ŋusẽ yeye nye gbɔgbɔ?
Ame kae naa nu nyui geɖem?
Mawu, ame si wɔ mí lae!

Stanza 3
Nye gbɔgbɔ, kpɔ agbe ma me ɖa,
Si ƒe domenyila nènye;
Afi si ŋutikɔkɔe sɔŋ le,
Àkpɔ Mawu ƒe nɔnɔme.
Kpɔ ɖa, dzidzɔ sia wodo na wò
To Mawu ƒe dɔmenyo me.
Esia ta Kristo va kpe fu ɖo,
Bena wò la, nàkpɔ xɔxɔ!

Stanza 4
Ðe nyemabu Mawu gã sia oa?
Ase ‘ƒe dɔmenyo gɔme,
Ðe nyemase eƒe yɔyɔ oa?
Azɔ mɔ, si wòafiam la, dzia?
Eƒe lɔlɔ̃nu le nye dzi me,
Si ɖoa kpe eƒe nya dzi nam.
Malɔ̃ nye Mawu nu sia ni,
Hanyevi sigbe nye ŋ’tɔ ‘ne.

Stanza 5
Esia enye eƒe lɔlɔ̃nu,
Bena nye hã mazu blibo.
Ne mewɔ eƒe didi sia dzi,
Eƒe Gbɔgbɔ anɔ menye.
Ne eƒe lɔlɔ̃ yɔ menye la,
Adɔm ɖa be mawɔ nye ɖɔ.
Mada ƒu le gbɔdzɔgbɔdzɔ me,
Ke nu vɔ̃ maɖu dzinye o.

Stanza 6
O Mawu, na wò dɔmenyonyo
Nanɔ nye ŋkuwo me ɖaahe!
Wòado ŋusẽ nye didi nyuiwo,
Mana nye agbe wò blibo.
Wòafa ‘kɔ nam le veveɣi me,
Akplɔm le dzidzɔɣi me hã.
Le nye gaƒoƒo mamlɛtɔ me
Akpe ɖe ŋunye, maɖu dzi.

LEAVE A REPLY

Please enter your comment!
Please enter your name here