GEC EWE Hymn

Stanza 1
Aƒetɔ, si ƒe dɔ me míele, nyo;
Míekpɔ mɔ hã be míayɔe be mía Fofo.
Ne míele eƒe mɔwo dzi zɔm nyuie
Ekem míakpɔ ‘ƒe lɔlɔ̃ ƒ’a-gbɔsɔsɔ.
Nya sia na dzideƒo le aʋa me;
Aƒetɔa nyo.

Stanza 2
Aƒetɔa nyo! Medi be yeatsɔ yi
Ðe vɔ̃wɔla ŋu nublanuimakpɔe o.
Dzigbɔɖi sɔ gbɔ le eya ma si;
Elɔ̃na ɖɔa vodalawo ƒe nya ɖo.
Eyraa mi ɖaa to Via ƒe ʋu la me:
Aƒetɔa nyo!

Stanza 3
Aƒetɔa nyo! Ele mía yɔm ɖaa he,
Ne míakpɔ gome le ‘ƒe nu nyuiwo me.
Hiã ‘ɖeke hã melolo akpa na
Eƒe lɔlɔ̃ kpakple ŋusɛ̃ gã la o.
Míanɔ ŋutifafa me le egbɔ:
Aƒetɔa nyo!

Stanza 4
Aƒetɔa nyo! Ne míedze si esia
Le xɔse me, míagblẽ ‘ƒe dɔ ɖi kpɔ o.
Afi sia ablɔɖe vavã la le,
Nu nyui sia nu nyui, si xɔse wɔna la,
Ekpɔa eŋu fetu kple yayra gã:
Aƒetɔa nyo!

Stanza 5
Aƒetɔa nyo azɔ kpakple ɖaa si!
Eya ta míaku ɖe ‘ŋuti yi ɖe ku me.
Aɖe mí atso hiã mlɔetɔ me hã,
Ana dzudzɔ mavɔ mí, míanyi domee;
Eƒe nuwo katã woazu mía tɔ:
Aƒetɔa nyo!

Stanza 6
Aƒetɔa nyo! Midze klo ɖe ŋkume.
Ele mía yɔm, be míava xɔ ‘ƒe yayra.
Mido mía Mawu kple Vi la ɖe dzi,
Amenuvevegbɔgbɔ kɔkɔe la hã;
Mikafui le ‘ƒe nuwɔwɔwo ta!
Aƒetɔa nyo!

LEAVE A REPLY

Please enter your comment!
Please enter your name here