GEC EWE Hymn

Stanza 1
Wɔlanye, nɔ gbɔnye,
Nyea-gbe ƒe kekeli!
Wò, nàkplɔm va se ɖe
Gbe si gbe ke madzo.
Dzinye kple ŋutinuwo,
Metsɔ wɔ vɔsa na wò,
Ŋutilãŋusẽwo hã,
Na wò kple wò dɔwɔwɔ.
Wòe lɔ̃ bena mazu tɔwò,
‘Ya ta nànɔ gbɔnye!

Stanza 2
Xɔlanye, tsɔ wò ʋu
Xɔasi la klɔ ŋunye,
Ʋu, si ɖea ɖiwo ɖa,
‘Ye wòwɔa nukunu.
Lé nye nu vɔ̃ wɔla gã
Ðe wò abɔwo dome,
Ase ɖe si mavo keŋ
Tso dɔmedzoe kple vɔ̃ me.
Wò manɔme, mezu nu vɔ̃
Xɔlanye, le tsi nam!

Stanza 3
Gbɔgbɔ, nàdo ŋusẽm,
Ne tetekpɔwo do;
Ðu nye gbɔgbɔ la dzi,
Ne elɔ̃ xexeame.
Fiam be madze si Vi la,
Ayɔe be nye Aƒetɔ,
Ase ‘ƒe nyawo gɔme,
Azɔ eƒe mɔwo dzi,
Ateŋ’ awɔ nu nyui katã;
Kɔkɔetɔ, na ŋusẽm!

Stanza 4
Fofo, Vi kple Gbɔgbɔ,
Manye tɔwò blibo.
O, te wò nɔnɔme
Ðe nye dzi me sesiẽ;
Nye dzime nanye teƒe,
‘Fi si nàdzra nɔƒe ɖo.
Na wò nublanuikpɔkpɔ;
Nàhem ɖe ɖokuiwò gbɔ,
Nàyram, ne mazu tɔwò keŋ,
Fofo, Vi kple Gbɔgbɔ!

LEAVE A REPLY

Please enter your comment!
Please enter your name here