GEC EWE Hymn

GEC Hymn 188

Stanza 1
Nyateƒe kple lɔlɔ̃ Mawu!
Míebu wò tso dzigbɔ ke,
Esi wogblɔ wò nya, si me
Agbexɔxɔ le, na mí.
Na akpedadagbɔgbɔ mí,
Bene míaxɔe kpakple dzidzɔ!
Doe ɖe míaƒe dzi me ke,
Be míalée ɖ’ asi tegbee!

Stanza 2
Naneke meɖi wò nya o,
Edza sigbe wò ene,
Ena dzudzɔ kpakple dzidzɔ,
Efaa ‘kɔ le fuwo me.
Wò nya la dze kafukafu,
Ele teƒe, na nunya mí;
Ẽ, wò nya ƒe ɖoɖowo
Le dzɔdzɔe, na dzidzɔ fũ.

Stanza 3
Mawu ƒe se kɔkɔe la nyo,
Naa ŋusẽ kple keli mí,
Eye wòʋua ŋku na ‘mewo,
Efia nusi míawɔ mí.
Ekplɔa amesi wɔa edzi,
Yina ɖe dziƒo kɔkɔƒe.
Se, si Mawu na ame,
Le dzɔdzɔe, ele teƒe.

Stanza 4
Kɔkɔetɔ, wò nya la edza,
Wò se la eli tegbee,
Enye nunya sɔŋ ƒe vudo,
Agbetsi dona tso dzigbɔ la,
Mawu hã galɔ̃ne ŋutɔ.
Ne wolée ɖe dzi me nyuie,
Wotea ŋu bua Mawu ɖaa.

Stanza 5
Oo Aƒetɔ, le wò nya, si
Xɔxɔ medze mí o, ta
Kafukafu, akpedada,
Bubu hã míetsɔ na wò!
Fofo, si ena Vi la mí,
Vi, si lɔ̃ mí yi ku me ke,
Gbɔgbɔ, si na ŋusẽ mí,
Míele kafuwòm tegbee!

LEAVE A REPLY

Please enter your comment!
Please enter your name here