GEC EWE Hymn

GEC Hymn 185

Stanza 1
Kekeli kple nyateƒe,
‘Fi ka makpɔ mi?
Nunɔla megali o,
Fiaɖuƒe hã tsrɔ̃;
Gbedoxɔ hã,
David ƒe fiazikpui mu,
Aron ƒe kɔkɔe la bu,
I: O, esẽ loo! :I

Stanza 2
‘Fi si dzudzɔ tuna tso
Vɔsamlekpui gbɔ,
Azɔ ku etu aglo
Le gbegblẽ dome.
Gbedzifuwoe!
Tsã Paradiso nɔ ‘nyi.
Azɔ zã dziŋɔ va ɖo!
I: Ŋu ake ma?:I

Stanza 3
‘Fi si Mawu ƒe dukɔ
Kpe ta ƒe sia ƒe
Le ŋkekenyuiɖuƒe tsã,
Kpẽ ɖina godoo,
Afi ma ye
Ahosi le avi fam,
Nɔ ‘nyigba nublanuitɔe
I: L‘aɔ̃hovɔ me:I

Stanza 4
Mèle aɖatsia kpɔm oa,
Israel ƒe fia?
Ɛ̃, wòe nye ‘ƒe kekeli,
Ðeɖe kple xɔxɔ.
Ãkpɔ esia,
Wò lɔlɔ̃dzi magbã oa?
Be wòatsrɔ̃ le veve me
I: Akɔmafaea? :I

Stanza 5
O kalẽtɔ, tsi ‘tre kpla!
Bla wò ali dzi.
Ðo ŋku dɔ gã, si nèwɔ
Heƒle mí la, dzi.
Tɔwò míenye!
Kafukafu ka wòanye,
Ne wò ŋ’tɔ wò dukɔ la
I: Agabu ma! :I

Stanza 6
Sa ‘vulèvɔ la na mi!
Wò vɔsa kɔkɔea
Nàde mí katã mía nu;
Na míaƒo koko
Tso dzi me ke,
Be nublanuizã nayi
‘Ye ɖeɖeŋu gã nake
I: Tso dziƒo ʋĩ! :I

LEAVE A REPLY

Please enter your comment!
Please enter your name here