GEC EWE Hymn

GEC Hymn 136

Stanza 1
Mawu, Gbɔgbɔ Kɔkɔe la,
Va nànɔ nye dzi me!
Esi danye dzim megbe,
Wòe gbugbɔm dzi yeye.
Wòe tso Fofo kple Via me;
Woƒe bubu le ŋuwò,
Míele kafuwòm ɖaa.

Stanza 2
Nɔ mía me, bene míakpɔ
Wò ŋusẽdɔwɔwɔ:
Klɔ nu vɔ̃ ɖa le mía ŋu
Kple míaƒe dzi me hã!
Va nàɖe mí katã
Tso nu vɔ̃ ƒe ŋusẽ me
Yɔ dɔ na mía luʋɔwo,
Ne míasubɔ wò ɖaa!

Stanza 3
Wò, gbedoɖagbɔgbɔ la,
Va, ne nàfia mi nyuie,
Ale si míado gbe ɖa,
Wòadze mía Mawu ŋu!
Gbe, si nèdona ɖa,
Ele kɔkɔe, kpɔa ŋusẽ,
Eye wòdea dziƒo ke,
Yi ɖase Mawu gbɔ.

Stanza 4
Wòe nye dzidzɔgbɔgbɔ la,
Mèlɔ̃ be míavɔ̃ o;
Ne míele konyi fam la,
Wòe gafaa ‘kɔ na mí.
Le fukpekpe me hã
Wòe toa nya vivi na mí,
Eye nènye kekeli,
Si naa dzidzɔ vavã.

Stanza 5
Lɔlɔ̃ ƒe gbɔgbɔ nènye,
Èlɔ̃a nɔviwɔwɔ ;
Mèlɔ̃a dzre kple fuléle
Kpakple dɔmedzoe o;
Ènyɔa ŋu adika.
Ne mía dome eklã la,
Wò lɔlɔ̃ nagabla mí
Le ŋutifafa me!

Stanza 6
Dzixɔse ƒe gbɔgbɔ la,
Nali ke le mía me,
Be míadze Yesu yome,
Akpɔ yayra vavã!
Nya gbɔgbɔ vɔ̃ dz’aglã,
Si gblẽa wò dɔwɔwɔ la,
Do go tso míaƒe dzi me,
Be nàɖu fia le ‘me!

Stanza 7
Fia wò lɔlɔ̃nu nyui mí,
Bena míalée ɖ’a-si!
Fia agbexɔxɔmɔ mí,
Bena míazɔ edzi!
Ne mía kuɣi ɖo la,
Na míadzo kple dzidzɔ gã
Be míava kpɔ mía xɔla
Le dziƒo kɔkɔe!

LEAVE A REPLY

Please enter your comment!
Please enter your name here