GEC EWE Hymn

GEC Hymn 132

Stanza 1
Gbe ɖeka Yesu ƒe ha la
Ƒo ƒu ɖe Yerusalem;
Nuxaxa yɔ woƒe dzi me,
Nu ka ŋu woxa nu le?

Stanza 2
Menye xexemenya ‘ɖeke
Aloo nya vɔ̃a-ɖeke o;
Aƒetɔ ƒe nusrɔ̃lawoe,
Woxa nu le ‘ƒe ku ŋu.

Stanza 3
Le vɔvɔ̃ na futɔwo ta
Wotu ʋɔtru la sesiẽ.
Tete la wokpɔ amea-ɖe,
Si tsi ‘tre ɖe wo dome.

Stanza 4
Yesu, woƒe xɔla nyui la,
Kɔ asi dzi ɖe wo dzi,
Hele gbe dom na wo bena:
Ŋutifafa ana mi!

Stanza 5
Ede se hã na wo bena,
Woagadzo le dua me o;
Ke woaxɔ Gbɔgbɔ, si ava
wo dzi la, ƒe ŋusẽ gbaã!

Stanza 6
Azɔ ne yeayi Fofoa gbɔ,
Akɔfala sia ava,
Bene wòanɔ woƒe dzi me,
Akɔ wo ŋuti keŋkeŋ.

Stanza 7
Emegbe la ekplɔ wo yi
Ðe Betaniato la dzi;
Esime wòyra wo vɔ la,
Eyi dziƒo Fofoa gbɔ.

Stanza 8
Yesu, va míawo hã dome,
Nàna ŋutifafa mí!
Esia ‘zu mía ‘kɔfafa ɖaa,
Va se ɖe ‘si míakpɔ wò!

LEAVE A REPLY

Please enter your comment!
Please enter your name here