GEC EWE Hymn

GEC Hymn 131

Stanza 1
Mikafu fia, si yi dziƒo!
Eɖu xexe sia me dzi,
Ewu eƒe dɔwɔwɔ nu,
Azɔ Fofoa le edzrom.
Enye Mawu, enye Gbɔgbɔ,
Eya ta wòyi dziƒo.

Stanza 2
Tsã la woɖɔ ŋukuku nɛ,
Azɔ eɖɔ fiakuku.
Ame si ke yi ɖe tsiẽƒe,
Ezu agbe mavɔ tɔ.
Amevi le xexe sia me,
Eya ke ‘nye Mawuvi.

Stanza 3
Megblẽ viawo ɖi ɖikaa o;
Ke boŋ egawɔ ɖeka
Kple ame siwo xɔ dzi se,
L’a-nyigbawo katã dzi.
Eya nye kplɔla nyui vavã,
Si kpɔa eƒe hame dzi.

Stanza 4
Yesu, wò ame si tsi ‘tre,
Wò ame si yi dziƒo,
Do ŋusẽm, bena matsi ‘tre,
Azɔ dziƒomɔ la ko!
Ŋusẽkatãtɔ, ve nunye,
Nàkplɔ nye hã va gbɔwò!

LEAVE A REPLY

Please enter your comment!
Please enter your name here