GEC EWE Hymn

GEC Hymn 128

Stanza 1
Aƒetɔ la ɖo ta dzi
Kple dziɖuɖudzidzɔ.
Edo tso xexe sia me
Ðo ta ‘ƒe fiazi dzi
Midzi kafuha nɛ!
Dukɔwo, mikafui hee!
Fiawo katã ƒe fia la,
Aƒetɔ Zebaot!

Stanza 2
Dziƒotɔwo xɔ ‘ya mea
Kple ŋutikɔkɔe gã.
Ame dzɔdzɔewo katã
Kpɔ dzidzɔ le ‘ŋuti.
Wokpe Aƒetɔ la
Kple dzidzɔhadzidziwo,
Be woana kafukafu
Yesu, si ɖe yewo.

Stanza 3
Míaƒe ta kpɔ dziɖuɖu
Kpakple dodoɖedzi.
Azɔ la míenya mɔ, si
To ge míala ‘yi dzi.
Xɔla la dze mía ŋgɔ,
Melɔ̃ be míatsi me o,
Efia mɔ vavã la mí,
Si ye ŋ’tɔ ɖe na mí.

Stanza 4
Dziƒotɔwo ko míanye!
Eɖɔ teƒe la ɖo;
Míado tso anyigba dzi
Ayi dziƒo la faa.
Nɔviwo, mitso kpla,
‘Fi si Yesu yi xoxo,
Afi ma yome míadi,
Eya dzi míazɔ ɖo!

Stanza 5
Yesu yomedzelawo,
Mikpɔ mia Yesu dzi!
Mina míafɔ kple Kristo
Ne míadi dziƒo ko!
‘Fi si Yesu yi ɖo,
Afi ma ke míava nɔ;
Ne míewɔ ɖeka kplii la,
Míaklẽ kple Yesu ɖaa.

LEAVE A REPLY

Please enter your comment!
Please enter your name here