GEC EWE Hymn

GEC Hymn 127

Stanza 1
Oo nukudziɖula gã, si
Tsɔ xexeme nuvɔ̃wo yi,
Ewu wò dɔwɔwɔ nu!
Ezɔ wò fukpekpemɔ vɔ,
Kɔkɔe me nèyi Tɔwò, si
Dɔ wò ɖo ɖe mí la, gbɔ.
Azɔ ènɔ wò fiazikpui
Kɔkɔe la dzi,
Ku kple agbe
Wotsɔ wo de asiwò me.

Stanza 2
Aƒetɔ wò koe nye mía ta,
Wò ŋutinuwo míenye ɖaa,
Le mewò míakpɔ agbe.
Ŋusẽ, ŋutifafa, dzidzɔ,
Dzudzɔ hã na mia luʋɔwo
Tso gbɔwò ko va na mí.
Klɔ nye dzi me! Masubɔ wò
Kpakpe dzidzɔ,
Makafu wò
Eye mada akpe na wò.

Stanza 3
He mí, Yesu, te va gbɔwò,
Na be tso esia dzi yina
Míadi wò fiaɖuƒe ko.
Ne mía zɔzɔ nadze ŋuwò,
Míatsri anyigba dzi nuwo
Kple eƒe nudzodzrowo.
Míatsri, míasi nu bleamewo,
Nu gɔglɔ̃wo,
Bene míadi
Afisi míakpɔ xɔxɔ le.

Stanza 4
Aƒetɔ Yesu, va he mí
Tso ’nyigbafu me va gbɔwò,
Ne míakpɔ dzidzɔ ɖaasi.
Esi nèkɔ wò ʋu vevi
Ðe anyi le mí katã ŋuti,
Ezu mía nunɔlagã
Azɔ míalɔ̃ wò ɖeka ko,
Akafu wò,
Míaƒ’ Aƒetɔ,
Si akplɔ mi yi ɖe dziƒo.

LEAVE A REPLY

Please enter your comment!
Please enter your name here