GEC EWE Hymn

GEC Hymn 126

Stanza 1
Yesu Kristo zu agbefia,
Nu sia nu zu tenɔla nɛ,
Mawu tsɔ wo keŋ de te.
Aɖe sia ‘ɖe naʋu ‘me be:
Yesu ɖeka hɔ̃ koe nye fia,
I: Si amewo nabu la :I

Stanza 2
Dziƒofiaɖuƒe ŋutɔ hã
Kple emenɔlawo katã
Wona ŋutikɔkɔe gã
Yesu, si zu dziɖula la;
Dziƒo kpl’a-nyigbadzitɔwo
I: Woawɔ eƒe lɔlɔ̃nu! :I

Stanza 3
Mawu ɖeka koe le mía si,
Bubua-ɖeke megali o;
Vi la ko sɔ kpakplii.
Eƒe zikpui la eli ke,
Agbe mavɔ la nye etɔ,
I: Fiaɖuƒe mavɔ le ‘si. :I

Stanza 4
To amenuveve ko
Míakpɔ agbexɔxɔ vavã,
Xɔxɔ, si tso ‘ƒe ʋu me.
Azɔ agbe la do na mí,
Eye avuléle mavɔ
I: Va to Yesu me na mí! :I

Stanza 5
Vɔ̃wɔlawo, mitsɔ dzi nɛ!
Dɔnɔwo, migblɔ mia veve,
Hiãtɔwo, mibia ɖeɖee!
Yesu tea ŋu yɔa dɔ sia dɔ,
Enaa nu sia nu ame faa,
I: Egbɔa ‘gbe tso ku me hã! :I

Stanza 6
Ð’a-bla, mègatsi megbe o!
Ne ‘le ɖeɖe dim la, va xɔe!
Ne ‘le agbe hiãm, àkpɔe!
Ne aƒe le dzrowòm, àde;
Ne ‘le Yesu ŋutɔ dim la,
I: Va xɔe ko, tɔwò wònye! :I

Stanza 7
Ame sia ‘me, si kpɔ ɖeɖe,
Naneke magahiãe kpɔ o,
Amenuveve li nɛ.
Dzidzɔŋutinya nye esi!
Ele be ame sia ‘me, si
I: Senɛ la, naxɔe se hã! :I

Stanza 8
Ele me be Kristotɔwo
Kpea fu le xexe vɔ̃ sia me,
Afi sia nye fukpeƒe.
Mido dzi ko! Dzidzɔ gbɔna,
Miagaklã tso Yesu gbɔ o,
I: Woado mi ɖe dzi tegbee. :I

Stanza 9
Dɔla kɔkɔewo, midzɔ dzi!
Ame dzɔdzɔewo, mikafui!
Deʋayatsɔlawo hã
Kple xɔse ta fukpelawo
Kpakple hadzila kɔkɔewo
I: Mido mía Mawu ɖe dzi :I

Stanza 10
Nye, si menye naneke o,
Mɔzɔla dahe ko menye,
Maxɔe se, maʋu me be:
Yesu Kristo zu agbefia!
Nu sia nu nazu tenɔla,
I: Mitsɔ kafukafu nɛ! :I

LEAVE A REPLY

Please enter your comment!
Please enter your name here