GEC EWE Hymn

GEC Hymn 119

Stanza 1
Kristo, nye dzideƒotɔ,
Yesu, nye xɔla le agbe!
Eya ta míekpɔ dzidzɔ,
Esi mexɔ nya la dzi se.
Azɔ ku ƒe ŋɔdziwo
Magado ŋɔdzi nam o.

Stanza 2
Yesu, nye xɔla l‘a-gbe,
Eye nye hã makpɔ agbe;
Mava nɔ egbɔ tegbee;
Nu ka lado ŋɔdzi nama?
Ta kple eŋutinuwo
Megamana gbede o.

Stanza 3
Mɔkpɔkpɔ gbagbe la blam
Ðe nye ɖela ŋuti blibo;
Nye xɔse li ke sesiẽ
Ðe Mawu ƒe lɔlɔ̃ la me.
Ku gɔ̃ hã mama mí o;
Yesu ɖu edzi xoxo.

Stanza 4
Nye ŋutilã lagazu
Anyi kple afi gbe aɖe gbe;
Menye esia; ke Yesu
Afɔm ɖe te tso yɔdo me,
Akplɔm ayi kɔkɔeƒe,
Afi si nye xɔla le.

Stanza 5
Nye ŋku siawo ava kpɔ
Adze si nye ɖela ‘fi ma
Manye amedzro nam o,
Lɔlɔ̃ sɔŋ ayɔ nye dzi me.
Gbɔdzɔgbɔdzɔ maganɔ
Ŋutinye l’a-fi ma o.

Stanza 6
Ne megbɔdzɔ l’a-fi hã,
Maxɔ ŋusẽ le afi ma.
Nu gbegblẽ menye l’a-fi,
Gake mazu dziƒonɔla.
Ŋutilã ko anyunyɔ,
Mafɔ azu kɔkɔetɔ.

Stanza 7
Azɔ mi ame siwo
Nye etɔ la, mikpɔ dzidzɔ;
Konyifafa medze o.
Ne mieku hã, woagafɔ mi,
Gbe si gbe ke woaku kpẽ,
Si miase le yɔdo me.

Stanza 8
Yɔdo, ku kple tsiẽƒe hã
Ƒe ŋusẽ nu atsi kaba.
Ne Yesu ayɔ mí la,
Míadze aƒemɔ kple dzidzɔ.
Hiãtutu kple fukpekpe
Anɔ míaƒe afɔ te.

Stanza 9
Eya ŋuti midzudzɔ
Nu dzodzrowo yomenɔnɔ!
Mitsɔ mia ɖokuiwo na
Ame si zu agbe na mi,
Bena miava kɔkɔeƒe,
Afi si mianɔ tegbee.

LEAVE A REPLY

Please enter your comment!
Please enter your name here