GEC EWE Hymn

GEC Hymn 113

Stanza 1
Haleluya! Alẽvi la
Edo tso fuwo keŋ me.
Eɖu futɔwo ƒe hã dzi,
El’a-gbe! O, dzidzɔ gã!
Nye xɔla do tso yɔdo me,
Xɔ ku ƒ’a-boyonu l’e-si!
Haleluya! Xɔla l’a-gbe!

Stanza 2
Haleluya! Alẽvi la
Ƒe dziɖuɖu nye mía tɔ,
Eƒe aflaga de dzi boo!
Ŋusẽwo keŋ zu etɔ
Le dziƒo kple anyigba siaa;
Mitsɔ bubu la katã nɛ!
Haleluya! Xɔla l’a-gbe!

Stanza 3
Haleluya! Alẽvi la
He nunana vɛ na wò.
Megbedela, gbugbɔ gava,
Nàxɔ wò nu vɔ̃ keke!
Alẽvi la ɖo ŋku dziwò,
Esi wòxe nu vɔ̃ fe la.
Haleluya! Xɔla l’a-gbe!

Stanza 4
Haleluya! Alẽvi la
Le vedometɔwo yɔm.
Mitsɔ miaƒe dzi nɛ blibo!
Eyae xe mia tafe la;
Mitutu xexeame ɖa keŋ,
Miazu Kristo ɖeka ko tɔ!
Haleluya! Xɔla l’a-gbe!

Stanza 5
Haleluya! Alẽvi la
Eɖu dzi; miɖe gbeƒãe!
Mi kalẽawo, miyi ŋgɔgbe
Le eƒe fiaɖuƒe la
Ƒe kekeɖenu la me ko!
Ʋiʋlia megbe fiakuku le!
Haleluya! Xɔla l’a-gbe!

Stanza 6
Haleluya! Alẽvi la
Eɖu dzi; nu ka mavɔ̃?
O ku, tsɔm mlɔ afi ɖekae!
Ŋutilã nenyunɔ faa!
Alẽvi la agafɔm tso!
Maxɔ gbɔgbɔŋutilã boŋ.
Haleluya! Xɔla l’a-gbe!

Stanza 7
Haleluya! Alẽvi la,
Etsi tsiẽƒe ƒ’a-ɖi nu.
Fiawo katã dzi fia gã la
Eʋu dziƒogbowo ɖi.
Agbe mavɔ la le dzɔyem,
Manɔ nye xɔla gbɔ tegbee!
Haleluya! Xɔla l’a-gbe!

LEAVE A REPLY

Please enter your comment!
Please enter your name here