GEC EWE Hymn

GEC Hymn 102

Stanza 1
O lɔlɔ̃, wòe nye ɣe keklẽ
N’a-me ƒe dzi dahe.
Ne wòe le keklẽm na mí ko,
Veve katã vɔ xo;
Zã va yi vɔ, vɔvɔ̃ hã dzo
Le ɣe ƒe keklẽ nu.
Agbe kple dzidzɔ va aƒe
Ðɔ dzi gbagbãwo ɖo.
O lɔlɔ̃ gã, si gbã go faa
Tso blema ke kple egbe sia
Ede nunye, ede nuwò,
Ede mí katã katã nu!

Stanza 2
Wò lɔlɔ̃ l’a-titsoga ŋu
Klẽ ɖe nye tsizi me,
Enyɔm tso nu vɔ̃ zã me keŋ,
Menyɔ hegbɔ agbe!
Azɔ menya ame si lɔ̃m
Yi ɖase ku me ke;
Matsɔ ɖokuinye d’a-si nɛ,
Makafu eƒe ŋkɔ!
O lɔlɔ̃ gã, si gbã go faa
Tso blema ke kple egbe sia
Ede nunye, ede nuwò,
Ede mí katã katã nu!

Stanza 3
Ɣe, si le keklẽm nam bena,
Mekpɔ agbedzidzɔ,
Nye Yesu, nye Immanuel,
Yi ɖase mavɔ me!
Mele aseye tsom nɛ xo
L’a-ɖatsibalia me;
Madzi dzidzɔha nɛ tegbee
Le eƒe zikpui ŋgɔ!
O lɔlɔ̃ gã, si gbã go faa
Tso blema ke kple egbe sia
Ede nunye, ede nuwò,
Ede mí katã katã nu!

LEAVE A REPLY

Please enter your comment!
Please enter your name here