GEC EWE Hymn

GEC Hymn 100

Stanza 1
Xexeme, kpɔ wò ɖela,
Si woklã ɖ’a-tiŋu ɖa!
Wò xɔla le kukum,
Le ŋutilã kple luʋɔ
Ƒe fukpekpe geɖe me;
Evɔ la dziƒo fia wònye.

Stanza 2
Mite va kpɔ ale si
Yesu le kudɔ ƒomi,
Fifia ƒo ɖe ‘ŋu keŋ.
Le vevesese ta la,
Ŋeŋe manyagblɔ geɖe
Le ɖiɖim tso ‘ƒe dzi me ke.

Stanza 3
Ame ka gɔ̃ wɔ fu wò,
Dzu wò, ƒo wò mo ale?
Nu ka gɔ̃ nèwɔ ma?
Menye vɔ̃wɔla nènye
Abe míawo ene o;
Mènye vɔ̃a-ɖekeɖeke o.

Stanza 4
Nye, nye kple nye nu vɔ̃wo
Ƒe xexlẽme, si sɔ gbɔ
Abe ke ene la,
Tae nèkpe fu gã sia ɖo,
Eye wò luʋɔ xa nu
Le fiƒodeti la kɔgo.

Stanza 5
Nye koe nu sia katã dze,
Be woablam, asi kpl’a-fɔ.
Awɔ fum nenema!
Ƒofo kpl’a-tam ƒe veve,
Atitsoga ƒe ŋukpe,
Fu siawo katã dzem vavã!

Stanza 6
Wò ku la ko xɔm ɖ’a-gbe,
Fa dɔme na mía Mawu,
Na nye dzi me hã fa.
Wò ku la nado ŋusẽm,
Atrɔ nye dzi me keŋkeŋ,
Be manɔ agbe na wò ɖaa!

LEAVE A REPLY

Please enter your comment!
Please enter your name here