GEC EWE Hymn

Stanza 1
Makafu lɔlɔ̃ ƒe ŋusẽ gã ma,
Si Yesu tsɔ ɖe ŋutinye la!
Matsɔ ɖokuinye ke tufafa gã,
Si xɔla tsɔ kpe nye dahe la.
Nyemagasusu tɔnyexe kpɔ o,
Boŋ manyrɔ ɖe lɔlɔ̃ ƒe ʋua me.

Stanza 2
Lɔlɔ̃ blibo xɔ menye ɖe ŋuwò,
Wò dzi dzedzo le yonyeme ɖaa.
Ale si nèle asi trɔm ŋunye,
Nenem nye hã metrɔ ɖe ŋuwòe.
O lɔlɔ̃ vavã, dzonu nyuitɔ la,
Wòe tiam, ɛ̃, nye hã metia wò ko.

Stanza 3
Eme kɔ be, wò ko nànɔ ‘sinye,
Eme kɔ be, wò ko ŋu manɔ!
Ðela, xexeme naneke mana
Dzudzɔƒem o, wò ɖeka hɔ̃ lo.
Wò ko me dzudzɔ kple
modzeanyi le,
Eya ta wò ko yome mele.

Stanza 4
Menɔ yakagbe, lɔ̃ nu dzodzrowo,
Esime menɔ ɖokuinye si.
Megbe wò nya hetutu wò ɖa ɖaa;
Ke wò la, èlɔ̃m hedim vevie.
O, ɖe vɔ̃wɔla la anya sia la,
Ðe ko wòava lɔ̃ wò atuu tsã!

Stanza 5
Tɔwòe nye nye dzi kpakple agbe,
Wò, nye kesinɔnu gãtɔ la!
Wòe tsɔ ɖokuiwò hena ɖe tanye,
Èkɔ wò ʋu ɖi, bene nàƒlem.
Wòe ɖe mía gbegblẽ blibo la ɖa keŋ,
Tɔwòe nye nye nu sia nu tegbee!

Stanza 6
O Yesu, na wò ŋkɔ vivi nyui la,
Naƒo ke ɖe to le nye dzi me!
Wò ɖela ƒ’a-melɔlɔ̃ vavã hã
Naxɔ aƒe le menye keŋkeŋ!
Ale be womagakpɔ naneke
Wu wò Yesu ko le gbɔnye o.

Stanza 7
Ŋkɔ xɔasi enye Yesu ƒe ŋkɔ la,
Eʋu Fofoa ƒe dzi nu na mí.
Lɔlɔ̃, fafa kple dzidzɔ ƒe vudo
Zu tɔʋu le sisim tso eme.
O ɖe vɔ̃wɔla la anya ‘sia la,
Ðe ko wòaʋu ‘ƒe dzi nu na wò.

Stanza 8
Míakafu Yesu ƒe ŋkɔ kɔkɔe la,
Mawu ƒe lɔlɔ̃ ƒe godzeƒe,
Vudo, si nom dziƒotɔwo le ɖaa,
Si le dzidzim na míawo hã ‘fi,
Míele klo dzi na wò agbadre hee!
Míele akpe dam na wò kekeke!

LEAVE A REPLY

Please enter your comment!
Please enter your name here