GEC EWE Hymn

Stanza 1
Mawu gã, míekafu wò!
Míele wò ŋkɔ gã dom ɖe dzi!
Mí katã míesubɔa wò,
Míedzea si wò dɔwɔwɔwo.
Wòe li tso tititi ke,
Nenema nèle tegbee!

Stanza 2
Wo katã le kafuwòm,
Kerubim kple Serafim siaa,
Dɔla siwo subɔa wò,
Wole kafukafuha dzim,
Le aseye tsom tegbee
Be: Kɔkɔe, kɔkɔe, kɔkɔe!

Stanza 3
Yehowa, Mawu kɔkɔe,
Aʋakɔwo ƒe fia gã la!
Wòe ɖea mí tsoa xaxa me.
Dziƒo, anyigba kpl’a-tsiaƒu
Ðea gbeƒã wò ŋusẽ gã:
Tɔwò enye nu sia nu!

Stanza 4
Mawu, ve wò hame nu!
Yra wò dukɔ, si le diwòm!
Kplɔe le mɔ vavãtɔ dzi,
Ne futɔ la nagagblẽe o!
Na be wòatrɔ dzime keŋ,
Ne wòakpɔ wò le dziƒo!

Stanza 5
Mawu, kpɔ mía nublanui!
Na wò yayra nanɔ mía dzi!
Ðe wò amelɔlɔ̃ fia
Mí katã le wò nya la nu!
Wò ko ŋu míeɖoa ŋu ɖo:
Na míakpɔ agbe mavɔ!

LEAVE A REPLY

Please enter your comment!
Please enter your name here