GEC EWE Hymn

Stanza 1
Mina míado gbe ɖa na mía Mawu;
Míadzi ha nɛ ase míaku.
Eya na agbe kpakple gbɔgbɔ mí;
Eya ta míado gbe ɖa nɛ.
Gbeawo tsyo gbe ŋdi kpakple fiẽ
Míanɔ gbedodoɖa dzi nɛ.
Haleluya! Haleluya!

Stanza 2
Ðe amewo ate ŋu aɖe woa?
Nu kukuwo sɔŋ ko wonye.
Esusɔ ʋee woƒ’a-gbe nu natsi;
Anyi kple afi ko wonye;
Fiawo hã le nenema ke.
Mawu koe nye xɔla vavã.
Haleluya! Haleluya!

Stanza 3
Ame si ɖoa ŋu ɖe Mawu ŋu la,
Ŋu mekpenɛ kpɔ gbeɖe o.
Ame si ɖoa dzi ɖe Yesu ŋu la,
Eya kpɔa kpekpeɖeŋu ɖaa.
Ne Mawu kpe ɖe mía ŋu la,
Ekem míakpɔ ɖeɖe vavã.
Haleluya! Haleluya!

Stanza 4
Eya wɔ dziƒo, anyigba kple ƒu,
Eya wɔ wo me nuwo hã.
Ewɔa ‘ƒe ŋugbedodowo keŋ dzi
Eye wòɖia ‘nukware ko.
Eya nye fiawo dzi fia gã;
‘Ya ta miɖo dzi ɖe ŋu ɖaa!
Haleluya! Haleluya!

Stanza 5
Agbagbadzela, siwo kpea fu la,
Ekpɔa woƒe nya me na wo.
Eya naa dɔwuitɔwo hã ɖia ƒo
Eye wòɖea ga gatɔwo.
Ewɔa nyui na ame sia ‘me,
Eƒ’a-menuveve sɔ gbɔ.
Haleluya! Haleluya!

Stanza 6
Eya na bena ŋkunɔwo kpɔa nu
Ye tokunɔwo hã sea nu.
Exɔna na fukpelawo katã,
Xɔsetɔwo kpɔa ƒe lɔlɔ̃.
Ekpɔa ‘hosiwo, tsyɔ̃eviwo
Kpakple amedzrowo dzi nyuie.
Haleluya! Haleluya!

Stanza 7
Mikafu Mawu ƒe ŋkɔ kɔkɔe la!
Ewɔa nukunu geɖewo.
Ame sia ‘me, si gbɔgbɔ li na la,
Natsɔ akpedada vɛ nɛ!
Mi mawuviwo mikafu
Fofo, Via kple Gbɔgbɔ Kɔkɔe!
Haleluya! Haleluya!

LEAVE A REPLY

Please enter your comment!
Please enter your name here