GEC EWE Hymn

Stanza 1
Nu ka matsɔ akafu wòe?
Wò Yehowa ŋusẽtɔ!
Be nye nya nadze ŋuwò la,
Na wò Gbɔgbɔ ƒe ŋusẽm!
Wò lɔlɔ̃ kpakple nyuiwɔwɔ
Ƒo nye tamebubuwo ta.
Fia nye, ŋusẽkatãtɔ,
Mele akpe dam na wò!

Stanza 2
Ke ne meɖo ŋku nye nu vɔ̃,
Siwo mewɔna dzi la,
Edzem be, ŋu nakpem ŋutɔ
Le wò dzigbɔɖi gã ta.
Esi mewɔ nublanui la,
Wò dɔme trɔ ɖe ŋutinye.
Fia nye, ŋusẽkatãtɔ,
Mele akpe dam na wò!

Stanza 3
Yesu, esi metra mɔ la,
Wò ŋ’tɔ nèdze yonyeme;
Èyɔm be manɔ yowòme,
Èkplɔm kple wò lɔlɔ̃ gã;
Eye nèfiam be maɖi wò
Kple wò fiaɖuƒe dzɔdzɔe la.
Fia nye, ŋusẽkatãtɔ,
Mele akpe dam na wò!

Stanza 4
Gb’a-ɖewo gbe nètsɔa lɔlɔ̃,
Si nu sẽna, vaa gbɔnye;
Gb’a-ɖewo gbe nètsɔa xaxa
Yɔam bena mava gbɔwò,
Be nye dzimedidi blibo
Naku ɖe wò lɔlɔ̃ ŋu ko.
Fia nye, ŋusẽkatãtɔ,
Mele akpe dam na wò!

Stanza 5
Fofo, wòe ɖe wò nyuiwɔwɔ
Kple wò lɔlɔ̃ gã la fiam.
Yesu, wòe kpɔ nye nublanui,
Ye nèɖem, be dzi nadzɔm.
Eye wò Gbɔgbɔ Kɔkɔe la
Fia wò dziƒomɔ dzɔdzɔe lam.
Fia nye, ŋusẽkatãtɔ,
Mele akpe dam na wò!

LEAVE A REPLY

Please enter your comment!
Please enter your name here