GEC EWE Hymn

GEC Ewe Hymn 470

Stanza 1
Afi ka luʋɔ akpɔ fafɛƒe le?
Xexe sia me enye fukpekpeƒe na mí.
Ðe míate ŋu akpɔ nɔƒe aɖeke,
Afi si nu vɔ̃ maɖe fu na mí oa?
I: O, o, o, o, mel’a-fii o;
Fafɛƒe na luʋɔ le keke dziƒo! :I

Stanza 2
Mígbe xexe sia me kple eme nuwo,
Ne miadi fafɛƒe na mia luʋɔwo!
Dziƒo Salem du, si wotu kple sika,
Ðe luʋɔ akpɔ fafɛƒe l’a-fi ma?
I: Ɛ̃, ɛ̃, ɛ̃, ɛ̃, afi ma ko
Enye fafɛƒe na míaƒe luʋɔwo. :I

Stanza 3
Kpɔ mɔ na Aƒetɔ le fukpekpe me!
Do dzi, O luʋɔ, le aʋawɔwɔ me!
Ekema àkpɔ ɣe, si adze na wò;
Akplɔ wò tso zã me yi kekeli me.
I: Do dzi, do dzi le fu me ko!
Wò nuxaxa katã latrɔ zu dzidzɔ! :I

Stanza 4
Míakpɔ gbɔɖeme nyui le Yesu kɔme;
Afi ma ku, vɔ̃ kple fu megale o.
Ha vivi kple saŋkuɖiɖi akpe mí,
Míakpɔ agbetiwo kpl’a-gbetɔsisi.
I: Miyi, miyi, mine míayi
Fafɛƒe, si le Yesu gbɔ le dziƒo! :I

LEAVE A REPLY

Please enter your comment!
Please enter your name here