GEC EWE Hymn

GEC Ewe Hymn 467

Stanza 1
Ne mebu dziƒohadziha gã
Si le fiazikpui ŋgɔ la ŋu,
Wole Mawu kple Alẽvi la
Ƒe kafukafuha dzim ɖaa,
Nye dzi dina be masee ɖa,
Nu si mexɔ se yae makpɔ.

Stanza 2
Henɔ ‘lafa ‘ve blanyi-vɔ-nyi
Salomo ɖo gbedoxɔ me;
Ke dzɔdzɔetɔwo ƒe gbɔgbɔwo
Asɔ gbɔ ‘ye woanyo wu sã!
Ne hadzidzi ma vivi la,
Kem dziƒotɔ avivi wu.

Stanza 3
Wo katã wole kasaŋku ƒom,
Ɛ̃, Mawu ƒe kasaŋkuwoe.
Wotsɔ woƒe fiakukuwo ɖo,
Alẽvi la ƒe afɔ nu.
Ne meɣlẽ ‘sia, nye dzi dina
Be, nye hã mava nɔ ‘fi ma!

Stanza 4
‘Ya ta metsɔ nye aɖatsiwo
Le ha dzim na Mawu l’a-fii;
Gb’a-ɖe gbe Mawu atia nye hã
Ðe henɔ kɔkɔe mawo me.
Ekem madzi Haleluya
Akpeakpe le mavɔa me.

LEAVE A REPLY

Please enter your comment!
Please enter your name here