GEC EWE Hymn

GEC Ewe Hymn 466

Stanza 1
‘Le ke wòanɔ na mí le xaxa megbe,
Ne aʋawɔwɔ katã wu nu vɔ!
Míatso dzronyigba sia dzi ayi mía de,
Age ɖe agbe mavɔ gbo la me.
Míatutu ɖi mamlɛtɔ le mía ‘fɔ ŋu,
Fifia mamlɛ hã tso míaƒe ŋkume.
Afi ma míaƒe ŋkuwo ava dze si
Nu si de dzi ƒo na mí l’a-fi sia.

Stanza 2
‘Le ke wòanɔ na mí, ne míaɖa tsi ‘tre
Le ŋutikɔkɔefiazikpui la ŋgɔ!
Ne míadze si be, nu vɔ̃ ɖekeɖeke
Megale mía ŋuti azɔ o la!
Fɔɖiɖi ‘ɖeke maganyama mi o,
Vɔ̃ ‘ɖeke mado ŋɔdzi na mí o!
Míanye dziƒotɔwo kple Mawuviwo,
Age ɖe ŋutifafa mavɔ me!

Stanza 3
‘Le ke wòanɔ na mí, ne míava ɖo to
Dziƒonɔlawo ƒe ha viviwo;
Ne woaƒo sikasaŋkuwo, akafu
Mawu ƒ’a-lẽvi, si xɔ mí ɖ’a-gbe;
Ne míase Haleluya hadzidziwo
L’a-fi sia ‘fi le kɔkɔeƒe ma me;
Eye afi ma míaƒe kafukafu
Anɔ Mawu ƒe fiazikpui gbɔ yim.

Stanza 4
‘Le ke wòanɔ, ne míase eƒe yɔyɔ:
Miva, Fofonye ƒe yayratɔwo!
Ne míava do ɖe míaƒe xɔla ŋkume,
Ava dze si eƒe amelɔlɔ̃!
Míava kpɔ eƒe ŋku, siwo fa vi kpɔ
Le amewo ƒe dzimesesẽ ta;
Kple eƒ’a-bi, siwo kɔ ʋu kɔkɔe ɖi,
Be wòaɖe mí tso ku mavɔ la me.

Stanza 5
‘Le ke wòanɔ, l’a-nyigba yeye la dzi,
Ne míaɖi tsa kple nɔvi lɔlɔ̃wo
L’a-gbetɔsisi, to kpl’a-gbetiwo te,
Siwo tsea ku ɣesiaɣi atraɖi!
Nuwo katã woagazu yeye azɔ,
Womagblẽ alo ado xoxo o.
Am’a-ɖeke ƒe ŋku kple dzi magbã o,
Xaxa, veve kple ku megali o!

Stanza 6
‘Le ke wòanɔ! Ne nu si mía ŋku mekpɔ
Eye mía to hã mese kpɔ o la,
Asu mía si me eye wòava vɛ me,
Gbe si gbe míayi du kɔkɔe la me!
Misẽ ŋu be, míake duɖime vevie!
Dzidodo kple vevidodo dze mí,
Be míaɖ’a-bla eye míado ɖ’a-fi si
Míakpɔ nu wu ale si nu míenya!

LEAVE A REPLY

Please enter your comment!
Please enter your name here