GEC EWE Hymn

GEC Ewe Hymn 464

Stanza 1
O Yerusalem, du yeye,
Si nye Mawukafuƒe,
‘Fi si wodzia dziƒoha nyui
Be: Kɔkɔe, kɔkɔe, kɔkɔe!
Gbe ka gbe mava ge ɖe
Wò dumeviwo dome?

Stanza 2
Mele didim be, makpɔ wò,
Yesu, wò xɔ̃nye vevi!
‘Fi si avi megale o,
Le wò du yeye la me.
Míakpɔ Mawu ƒe ŋkume
Le dziƒokekeli me.

Stanza 3
Amedzro ko menye l’a-fi,
Aƒe le dzroyem vevie;
Va nàɖem tso fukpekpe me!
Va nàkplɔm ayi aƒe;
Si agbetsi dzina le;
Eya ‘ɖi kɔ nam tegbee.

Stanza 4
O nyuiƒe, si wodzra ɖo ɖi.
Dzidzɔƒe kple fafɛƒe!
Ðe aʋala le asinye,
Ne madzo kaba ayi
Dziƒodu yeye, si me
Mawu ŋutɔ klẽna le.

Stanza 5
Ke ne ele be, maganɔ
Atsiaƒu dz’a-gbo sia dzi,
‘Fi si yaa kple ƒutsotsoewo
Doa ŋɔdzi nam le ɖaa la,
Mɔkpɔkpɔ nalém ɖ’a-si,
Bena mad’a-ƒe dedie!

Stanza 6
Ekema nye ʋu manyrɔ o,
Yesu hã ɖo ʋu kpakplim;
Ne ƒu la dz’a-gbo ŋutɔ hã,
Mate ŋu atsrɔ̃m keŋ o.
Ʋumeti la aŋe dzro;
Mawu magblẽm ɖi kpɔ o!

LEAVE A REPLY

Please enter your comment!
Please enter your name here