GEC EWE Hymn

GEC Ewe Hymn 459

Stanza 1
Mawunya egblɔ kɔtee be:
Yesu tsɔ mía nu vɔ̃wo yii.
Eya ta mi katã midi
Yesu, ame si eɖe mi!

Stanza 2
Mawu trɔ zu Fofo na mí,
Yesu ku le mía nu vɔ̃ ta,
Tsɔ Gbɔgbɔ Kɔkɔe la na mí,
Ne wòakɔ míawo hã ŋuti.

Stanza 3
Ale ne míele kukum la,
Dzidzɔ sɔŋ ko míanɔ kpɔkpɔm,
Yesu ŋutɔ ava kplɔ mí,
Ato kumɔ la ayi dzii.

Stanza 4
Mawu ƒe kpẽ ayɔ mí ɖa,
Be míado atso yɔdo me,
Ahayi ɖe sikadu ma,
Si nye mía de vavã la me.

Stanza 5
Ne míexɔ Yesu dzi se ko,
Eye míeɖu nu vɔ̃ dzi la,
Míage ɖe du yeye ma me.
Anɔ mía Mawu gbɔ tegbee.

Stanza 6
Afi ma míakpɔ agbeti,
Agbetɔsisi fafa hã;
Vɔ̃, dɔ kple ku megali o,
Dzidzɔ kple fafa sɔŋ koe li.

Stanza 7
‘Fi ma míakpɔ Yesu ŋutɔ
Kple eƒe dɔla vavãwo;
Míakpɔ kɔkɔetɔ, siwo ku
Le Yesu ta, kpɔ dziɖuɖu.

LEAVE A REPLY

Please enter your comment!
Please enter your name here