GEC EWE Hymn

GEC Ewe Hymn 458

Stanza 1
Ame si ɖu dzi la, aɖu agbetia
Ƒe tsetse, si le Paradiso me.
Maganya ku alo teteɖanyi o,
Ne esubɔ Mawu nyateƒetɔe.
Afi ma woana
Dziƒonu vavãe,
I: Eye wòava kpɔ
Akɔfafa. :I

Stanza 2
Ame si ɖu dzi la, ku mavɔmavɔ
Mawu vɔ̃a-ɖeke eƒe luʋɔ o;
Ke akpɔ Fofo la ƒe ŋkume ɖaa he,
Fi si ame tiatiawo kafunɛ.
Ne eʋli vɔ keŋ,
Le aʋa megbe,
I: Ava dzudzɔ ɖaa
Le kɔkɔe me. :I

Stanza 3
Ame si ɖu dzi la, woanyi ƒe luʋɔ
Kple mana ɣaɣla, si tso dziƒo va;
Woatsɔ kpe ɣi xɔasi aɖo atsyɔ̃ nɛ,
Aŋlɔ eƒe ŋkɔ yeye ɖe dzi nɛ.
Ame, si axɔ
Ŋkɔ yeye la, ko
I: Anya egɔme,
Akpɔ dzidzɔ. :I

Stanza 4
Ame si ɖu dzi eye wòdo dzi keŋ,
Lé Mawu ƒe dɔa me ɖ’aɔ̃si ɖikaa, Woana ŋusẽe ɖe trɔ̃subɔlawo dzi,
Be wòakplɔ wo kple gatikplɔ sesẽ.
Agbã dzi sesẽ
Kple dzimaxɔse,
I: Be woadze klo na
Mía fia gã la. :I

Stanza 5
Ame si ɖu dzi la, akpɔ awu ɣi,
Eŋkɔ hã anɔ agbegbalẽ me.
Afi ma naneke magatutui o,
Elabena Yesu yɔe be ye tɔ.
Eye ‘ƒe fetu
Nye agbekuku,
I: Si woatsɔ ɖɔ nɛ
L’a-ƒetɔ gbɔ. :I

Stanza 6
Ame si ɖu dzi la, woatsɔe ɖo sɔti
Le mawuxɔ kɔkɔe vavãtɔ me.
Woaŋlɔ mía Mawu ŋutɔ ŋkɔ kɔkɔe la
Kple Yesu ŋkɔ yeye la hã ɖe dzi.
Anɔ kɔkɔeƒe
Me nɔƒe nyui la,
I: Ye magado go
Akpɔkpɔ o! :I

Stanza 7
Amesi ɖu dzi la, akpɔ dzudzɔƒe
Le Yesu ŋtɔ ƒe fiazikpui la dzi.
Yesu hã ɖu dzi gbã l’ atitsoga ŋu,
Wòle Fofoa ƒe ɖusime azɔ.
Dzidzɔ mavɔ la
Wodo ŋugbe na
|:Nuteƒewɔla
Yi ku me ke.:|

Stanza 8
O Yesu, kpe ɖe ŋunye, ne maɖu dzi;
Futɔwo de ha, va kabakaba!
Abosam kpakple ŋutilã ƒe ŋusẽ
Wotri akɔ; Aƒetɔ, ɖo tom, va!
Ekem le dziƒo
Mava kafu wò,
I: Ne meʋli vɔ keŋ
Zu dziɖula. :I

LEAVE A REPLY

Please enter your comment!
Please enter your name here