GEC EWE Hymn

GEC Ewe Hymn 456

Stanza 1
Yerusalem, du, si wotu ɖe dzi,
Ðe manɔ mewò ɖaa!
Edzro nye luʋɔ vevie ale be,
Wòdo le menye gɔ̃,
To bali me kple to dzi,
To gbadzeƒewo dzi
Hegbɔ nuwo katã ta,
Dzo le xexe sia me.

Stanza 2
O ŋkeke nyui, wò gaƒoƒo nyuitɔ,
Ɣekaɣi àdo ma?
Gbe si gbe ke matsɔ dzideƒo faa,
Aɖ’a-si luʋɔ ŋu
Ðe Mawu ƒe asi me
Abe awɔba ‘ne,
Be ele xɔxɔ kpɔ ge
Le dziƒode nyui ma.

Stanza 3
‘Ðabaƒoƒo ɖeka me ko adzo
Yi lilĩ me ke ʋĩ,
Agblẽ xexemenuwo katã ɖi,
Ayi dzi nukutɔe
Abe Eliya ene,
Le dzotasiaɖam me,
Yi Mawu ƒe dɔlawo
Kple ha tiatiawo gbɔ.

Stanza 4
O dzidzɔdu, mele gbe dom na wò,
Ʋu wò agbo la nam!
Xoxoxo ke nèle nye dzi la dzrom,
Azɔ meva gbɔwò
Tso agbe vɔ̃ɖi sia me,
Tso yakanyenye me,
Be makpɔ domenyinyi
Mavɔ le Mawu gbɔ.

Stanza 5
Nyagblɔlawo kple fofo gãwo ha,
Kristotɔ vavãwo,
Ame siwo tsɔ woƒ’a-titsoga
Kpe fu le xexeame,
Wole ŋutikɔkɔe me,
Le ablɔɖe me,
Le keklẽm abe ɣe ‘ne,
Le wò fiaɖuƒe me.

Stanza 6
O, ne made Paradiso la me
Le ŋutikɔkɔe me,
Age ɖe wò dzidzɔ mavɔ la me
Axɔ fiakuku la,
Haleluya ko madzi
Kple akpedadaha,
Hosiana le dziƒo ʋĩ
Yi mavɔmavɔ me!

LEAVE A REPLY

Please enter your comment!
Please enter your name here