GEC EWE Hymn

GEC Ewe Hymn 453

Stanza 1
Agbemavɔ yome mati,
‘Fi si dzidzɔ le!
Maʋli vevie age ɖe me,
Aɖakpɔe blibo!
Mɔ xaxa, ke mazɔ ‘dzi;
Megbɔdzɔ, ke Yesu be:
Mègavɔ̃ o, nàdo dzi ko
Se ɖe nuwuwu!

Stanza 2
Woyɔm bena, mava ɖanɔ
Yesu fiazi gbɔ,
Matso kple dzo; ƒomewɔla
Makpɔ fetu o.
Du gbegblẽ sila labu
Eƒe dziɖuɖufetu.
Megbenuwo nayi faa ko!
Ðeke mehiãm o!

Stanza 3
Yesu, na ne nye didi keŋ
Nanɔ dziƒo ŋu!
Nàfia mɔ lam; de dzi ƒo nam,
Ne megbɔdzɔ la!
Ne woblem, nàgblɔe afiam!
Ne wodzum, nàfa ‘kɔ nam!
Wò lɔlɔ̃si nakplɔm dedie,
Tso mɔ tatra dzi!

Stanza 4
Wò koe lahem, nàdo ŋusẽm;
Tɔnye made o!
Nu si ehiã nye luʋɔ la,
‘Yae nye wò ŋusẽ.
Wò nya la nana agbem,
Wò Gbɔgbɔ nayɔm taŋtaŋ!
Gb’a-ɖe gbe la, maʋu me be:
Yesue xɔm ɖ’a-gbe!

LEAVE A REPLY

Please enter your comment!
Please enter your name here