GEC EWE Hymn

GEC Ewe Hymn 452

Stanza 1
Dzudzɔ vavãtɔ ma egali;
Dzi gbɔdzɔ, tso, ne nàdzɔ dzi!
Afi nèle ŋeŋem le game,
Ɣe hã meklẽna na wò o.
Kpɔ alẽvi, si ke anyi wò
Le eƒe fiazikpui ŋgɔ la, dzi.
Ƒu wò agba gbe, nàkplɔe ɖo!
Aʋa sesẽ la nu atsi kpuie,
Zɔzɔ didia awu nu kaba;
Ekem àyi wò dzudzɔ me.

Stanza 2
Dzudzɔ vavã Mawu tia na mí,
Dzudzɔ, si nu meyina o.
Woɖo dzudzɔ sia ɖi na mí xo,
Hafi míedzɔ ɖe xexeame.
Mawu ƒ’a-lẽvi la to ku me,
Be yeana dzudzɔ vavã sia mí;
Ele mía yɔm l’a-fi sia ‘fi:
Mi luʋɔ, siwo ke gbɔdzɔ la,
Azɔ la migahe ɖe megbe
Na nye dzudzɔ me vava o!

Stanza 3
Mi luʋɔ, siwo ŋu ɖeɖi te
Eye agba hã wu mi la,
Mido go kaba le xexeame,
Migazɔ kple hũɖeɖe o!
Esi miekpe hiã fũ l’a-fi sia,
Eya ta ɖela la gblɔ na mi:
Nye ŋutɔ nye miaƒe dzudzɔ!
Etɔ mienye, akpɔ mi keŋ dzi;
Ne tsiẽƒe do ŋɔdzi na mi hã,
Mido dzi ko, ne miayi dzi!

Stanza 4
Nu si míeƒã l’a-fi kpl’a-ɖatsi,
Míaŋe kple dzidzɔ l’a-fi ma.
Dzidzɔseyetsotso ka woase,
Ha ka aɖi le mawuƒe?
Fukpekpewo katã nu atso;
Míagakpɔ ku akpɔ gbeɖe o,
Míakpɔ míaƒe dziƒofia la.
Ana agbetsi la mí, míano;
Atutu aɖatsiwo na mí
Nu ka gɔ̃ agava me ma?

LEAVE A REPLY

Please enter your comment!
Please enter your name here