GEC EWE Hymn

GEC Ewe Hymn 451

Stanza 1
Dziƒonɔnɔ ŋkeke ɖeka
Enyo wu akpe l’a-fi.
Ðe malé ɖ’a-nyigba ŋutia?
O, esia le ŋu nyɔm nam!
Ne am’a-ɖe akpɔ dzidzɔ
Ƒe akpe l’a-fi sia hã,
Ne wotsɔe ɖo dziƒotɔ ŋu,
Enye nublanui sɔŋ ko.

Stanza 2
Fukpekpe kple hiãtutuwo
Sɔ gbɔ le xexe sia me.
‘Ye ame si le ku vɔ̃m la,
Makpɔ dzidzɔ blibo o.
Ke afi ma le vovo keŋ,
Ku kple hiã megali o,
Ŋɔdzi kple vɔvɔ̃ nu tsi keŋ,
Na Mawuvi vavãwo.

Stanza 3
Le Mawu ƒe du kɔkɔe me
Wole dzidzɔ mavɔ me.
Ŋutikɔkɔe sɔŋ ƒo xlã wo
Le alẽvi la ŋkume.
Nu si ŋkua-ɖeke mekpɔ kpɔ,
‘Ye toa ɖeke mese o,
Mawu ŋutɔ dzra ɖo ɖi na
Ame siwo lɔ̃nɛ la.

Stanza 4
Mawukpɔkpɔ, Mawusubɔ,
Eya nye woƒe dzidzɔ,
Elabena Mawu ŋutɔ
Li kpli wo le mavɔa me.
Aƒetɔ, he nye susuwo
Tso ‘nyigba ɖo ta dziƒo,
Be nye dzi nanɔ gbɔwò ɖaa,
Va se ɖe si makpɔ wò!

LEAVE A REPLY

Please enter your comment!
Please enter your name here