GEC EWE Hymn

GEC Ewe Hymn 442

Stanza 1
Gbe si gbe Aƒetɔ lado,
Aɖe gamenɔlawo,
Fukpekpewo keŋ ava yi
Abe drɔ̃eƒe ye ene.
Ekem dzi adzɔ mí ŋ’tɔ
Ɛ̃, míako alɔgbɔnu;
Mía ƒ’a-ɖe atso aseye
Akafu Mawu, mía ɖela.

Stanza 2
O Yehowa, kpɔ nublanui,
Wu wò ŋku dzi ɖe mía dzi!
Yɔ wò dɔtsɔla kakaawo
Gava wò fofoƒe me!
Mɔ didi la ti ame;
Mía tetekpɔ nanɔ kpuie!
Ne míewɔ aʋa vevie ko,
Kplɔ mí yi ɖe ŋutifafaƒee!

Stanza 3
Gbea-ɖe gbe le nuŋeŋɔli
Míatsɔ dzidzɔ sɔŋ aŋe
Nu si míeƒã kpl’a-ɖatsi lae,
Fukpekpe lazu dzidzɔ.
Mawu le ‘ƒe fiazi dzi
Lanye míaƒe fetu nyui;
Eye le agbe yeye me
Míakpɔe le ŋutifafaƒe.

LEAVE A REPLY

Please enter your comment!
Please enter your name here