GEC EWE Hymn

GEC Ewe Hymn 434

Stanza 1
Ame ka gɔ̃ nya nye kugbe ma?
Ŋkekewo yina, ku tum kpuie.
O, ale ke nye kuɣi atsɔ
Wu ale si nyea mebuna!
Mawu, Mawu,
Le Kristo ƒe ʋu ta
Nàwɔ be ku malilim o!

Stanza 2
Hafi zã do, tɔtrɔ ava me,
Si to vovo tso ŋdi tɔ gbɔ;
Zi ale si megal’a-gbe la,
Mele ku ƒe ŋɔdzi me ɖaa.
Mawu, Mawu,
Le Kristo ƒe ʋu ta
Nàwɔ be ku malilim o!

Stanza 3
Na mabu nye kugbe ŋuti ɖaa,
Eye ne mele kukum la,
Nye luʋɔ nanyrɔ ɖe wò ʋu me.
Eye be matrɔ nye dzi me.
Mawu, Mawu,
Le Kristo ƒe ʋu ta
Nàwɔ be ku malilim o!

Stanza 4
Fiam be, madzra nye aƒe la ɖo,
Be manɔ klalo ɖaa na ku;
Ne mate ŋu agblɔ ɣesiaɣi:
Aƒetɔ, wɔ wò lɔlɔ̃nu!
Mawu, Mawu,
Le Kristo ƒe ʋu ta
Nàwɔ be ku malilim o!

Stanza 5
Menya sia be, Yesu ƒe ʋu me
Nye dedienɔƒe nyuitɔ le;
Makpɔ akɔfafa le ku me,
Kple nu sia nu, si nyo nam hã.
Mawu, Mawu,
Le Kristo ƒe ʋu ta
Nàwɔ be ku malilim o!

Stanza 6
Ne maku egbe alo etsɔ,
Yesu axɔm yi dzidzɔ me.
Yesu, tɔwò ko manye ɖaa he,
Wò ʋu la klɔ ŋutinye keŋ.
Mawu, Mawu,
Le Kristo ƒe ʋu ta
Nàwɔ be ku malilim o!

LEAVE A REPLY

Please enter your comment!
Please enter your name here