GEC EWE Hymn

GEC Ewe Hymn 432

Stanza 1
Fafa ava ame kuku
Siwo ku le Kristo me la dzi;
Woagafɔ ado tso yɔ me.
Le kudɔƒoƒo megbe la
Ŋudzɔgbe ƒe ŋu ake na wo,
Woakpɔ dzidzɔ mavɔmavɔ.
Azɔ le woadzudzɔ,
Womagakpe fu o.
Xɔxɔ neva
Tso Mawuvi
Le zi dzi gbɔ!
Woaxɔ wo dɔwɔna fetu.

Stanza 2
Kafukafu kpl’a-kpedada
Woana xexemexɔla Yesu
Le dziƒo kple anyigba siaa!
Mi ame siwo ɖu dzi xo,
Mitsɔ kafukafu kple bubu
Na alẽvi, si wosa vɔe!
Mía teƒe wòku ɖo;
Mizi avi azɔ!
Mawuviwo
Menya ku o,
Boŋ dzidzɔ ko
Le Yesu Kristo ƒe fiazi la ŋgɔ.

Stanza 3
Menye ɣe kple ɣletiviwo
Laklẽ na mí afi ma ya o;
Yesu ŋutɔ enye mí ɣe.
Míakpɔ agbe mavɔmavɔ
Míaƒe luʋɔwo ƒe ɖeɖe ta
Adze ƒã le mía ŋuti keŋ.
Migafa konyi o!
Xoxonuwo va yi!
Mía xɔla la
Edze mía ŋgɔ
To kumɔ dzi;
Míadze eyome yi dziƒo.

LEAVE A REPLY

Please enter your comment!
Please enter your name here