GEC EWE Hymn

GEC Ewe Hymn 431

Stanza 1
Vinye, heyi!
Mawu ŋutɔ yɔ wò
Tso xexe vɔ̃ sia me.
Mefa konyi,
Wò ku ele veyem;
Ke ‘si Mawu lɔ̃ la
Madzudzɔ avifafa keŋkeŋ
‘Ye magblɔ kple gbɔgbɔ bɔbɔe be:
Vinye heyi!

Stanza 2
Vinye, heyi!
Mía wɔla tsɔ wò nam
Ɣeyiyi via ɖe ko;
Ke azɔ la
Ede se na wò be,
Nàgadzo tso mía gbɔ.
Heyi! Mawu di be, yeaxɔ wò;
Nu si Mawu wɔ, eya enyo!
Vinye, Heyi!

Stanza 3
Vinye, heyi!
Le dziƒo àva kpɔ
Nu si nèdi l’a-fi;
Mawu gbɔ ko
Nàkpɔ dzudzɔ vavã;
Fu mel’a-fi ma o.
Afi sia ènɔ fu ƒe dzo me,
‘Fi ma Mawu afa ‘kɔ na wò!
Vinye, heyi!

Stanza 4
Vinye, heyi!
Ne Mawu yɔ mí ko,
Míadze yowòme xo.
Ègblẽ mí ɖi,
Hafi xexe sia me
Ƒe fu nate ŋuwò.
Ame tsitsiwo kpea fu geɖe,
Ðevi, si ku kaba, kpɔa dzidzɔ.
Vinye, heyi!

Stanza 5
Vinye, heyi!
Dɔlawo le klalo,
Be woaxɔ wò gbɔgbɔ.
Azɔ èkpɔa,
Ale si Mawuvi
Ðɔ fiakuku na wò
Azɔ wò luʋɔ dzo yi dziƒo
To Yesu me èɖu fu la dzi!
Vinye, heyi!

LEAVE A REPLY

Please enter your comment!
Please enter your name here