GEC EWE Hymn

GEC Ewe Hymn 429

Stanza 1
Kristo enye nye agbe,
Ku enye viɖe nam.
Matsɔ ɖokuinye nɛ keŋ,
Ayi le fafa me.

Stanza 2
Madzo kple dzidzɔ gã ‘ɖe
Ayi nye ɖela gbɔ,
Bene manɔ egbɔ ɖaa
Yi ɖase mavɔ me.

Stanza 3
Azɔ la meɖu ku dzi,
Nye vevewo nu tso;
To eƒe ʋu kɔkɔe me
Wotso afia nyui nam.

Stanza 4
Ne nye ŋusẽ katã vɔ,
Gbɔgbɔ hã zu dɔ nam,
‘Ye nuƒoƒo sẽ nam la,
Ðela, se nye ŋeŋe!

Stanza 5
Ne nye dzi kple susuwo
Woabu vĩ le ku me
Abe dzoxi sue aɖe ko
Le yaa nu ene la,

Stanza 6
Ekema na madɔ ‘lɔ̃
Le ŋutifafa me;
Wò lɔlɔ̃nu kɔkɔe la
Nakplɔm yi dzudzɔ me!

Stanza 7
Na manye alɔ gbagbe
Le weinti vavã ŋu,
Anɔ ‘nyi kpli wò tegbee
Le dziƒodzidzɔ me!

LEAVE A REPLY

Please enter your comment!
Please enter your name here