GEC EWE Hymn

GEC Ewe Hymn 428

Stanza 1
Ame sia ‘me le kuku ge,
Ŋutilã ya anyunyɔ.
Nugbagbewo katã agblẽ,
Hafi yeye nagado.
Nye ŋutilã le gbegblẽ ge
Hafi wòagava gbɔ agbe
Le Mawu nɔƒe, dziƒo,
Si wòɖo ɖi na viawo.

Stanza 2
Eya ta matsɔ nye agbe,
Esi Mawu tsɔ kem la,
Anɛ le ‘ƒe dɔwɔwɔ me,
Esi me dzidzɔ le fũ.
Elabena makpɔ ɖeɖe
Le Yesu ƒe abiwo me,
Esi eƒe ku eɖe
Ŋɔdzi le nye ku me nam.

Stanza 3
Eƒe ku enye viɖe nam;
‘Labe tanye wòku ɖo
Hewu xɔxɔ mavɔ nu nam,
Eya ta mada ‘kpe nɛ.
Dzidzɔ me mele kuku ge,
Agblẽ xexeme vɔ̃ɖia ɖi,
Ayi dziƒo, nyuiƒe la,
Akpɔ Mawu ƒe nyonyo.

Stanza 4
Dzidzɔ le afi ma ŋutɔ,
Dziƒo ƒe keklẽ ƒo xlãm.
Amewo katã ƒe luʋɔ,
Gbɔgbɔ, siwo yi ‘fi ma,
Le tsitre ɖe Mawu ŋkume,
Le kafukafuha dzim be:
Kɔkɔe, kɔkɔe, kɔkɔe na
Mawu si li tegbee la!

Stanza 5
Míakpɔ xoxotɔwo ‘fi ma
Kple mawunyagblɔlawo,
Yesu ƒe nusrɔ̃lawo hã
Nɔ woƒe zikpuiwo dzi,
Mawusubɔlawo katã,
Ame siwo tre kuku la,
Wo katã le ha dzim na
Ame si xɔ wo ɖ’a-ƒe.

Stanza 6
O Yerusalem, wò du nyui,
Du, si le keklẽm tegbee;
Afi si ame kɔkɔewo
Le ha viviwo dzim le.
Afi ma ko yi ge mala,
‘Fi si zãdodo mele o,
Negbe kekeli sɔŋ ko
Kple ŋutifafa mavɔ.

Stanza 7
Le xexe sia me la mekpɔa
Dziƒo kɔkɔe la ɖa ʋĩ.
Ne made gama la, maxɔ
Awu dzadzɛ, si le ɣie,
Kple sikakuku, atsi ‘tre
Ðe nye Mawu la ƒe ŋkume,
Akpɔ dzidzɔ fũu geɖe,
Si anɔ anyi tegbee.

LEAVE A REPLY

Please enter your comment!
Please enter your name here