GEC EWE Hymn

GEC Ewe Hymn 422

Stanza 1
Oo! Ƒe ɖeka gava yi xoxo,
Ƒe, si magava gbeɖe o!
Vavã, gaƒoƒo, siwo sɔ gbɔ
Wú akpe ‘nyi, va yi xoxo.
Nye nuwɔwɔ vɔ̃ kple nyui nu tsoa?
Gbeɖe! Ʋɔnudrɔ̃la gã la
Agatsɔ wo aɖo ŋkunye me,
Ne medo ɖe ‘ƒe zikpui ŋgɔ.

Stanza 2
Mawu matsɔ nye tamesusu
Kple nuwɔna abu fɔm oa?
Ðe meku le ƒe sia me gɔ̃ la,
Afika nye luʋɔ anɔa?
Mawuviwo dome mage ɖo,
‘Ƒe lɔlɔ̃ nayɔ menye loo?
Aloo Mawu gã abu fɔm keŋ
Abe vɔ̃wɔla ene ma?

Stanza 3
Mawu lɔ̃m ɖaa abe via ene,
Ke ɖe meda ‘kpe nɛ ɖe ‘ta?
Ðe melɔ̃a Mawu nyateƒetɔ,
Si lɔ̃am vavã la, nenema?
Ðe menɔ ‘gbe le xexe sia me,
Abe via ‘ne, le gaglãgbe
Kpakple vivi me hã gbesiagbe
Le Mawu ƒe ŋudzedze nua?

Stanza 4
Oo Fofo! Nyemate ŋu axlẽ
Ƒe sia me nuvɔ̃wo keŋ o.
Aleke maɣla wo ɖe wòamae?
Medzem maganɔ fisia o.
Enuenu nye dzi ŋlɔ wò be,
Nyemewɔ wò lɔlɔ̃nu o.
Aleke mabu ‘kɔnta na wòe?
Ŋɔdzi lém; megabu fɔm o!

Stanza 5
Fofonye! Wò nublanuikpɔkpɔ
Sɔ gbɔ ŋutɔ le ƒe sia me.
Aleke maɣlae ɖe ɖokuinye?
Medzem maganɔ agbe o.
Afika madze gɔmɔ atsoe,
Axlẽ wò dɔmenyowɔwɔ,
Si de ha fũ ale la, afia?
Mawu, meda ‘kpe na wò ŋtɔ!

Stanza 6
Meɖe kuku na wò: ve nunye,
Megaɖo ŋu nye nuvɔ̃ o!
Fia wò ŋkume, si fa akɔ la,
Nye nublanuitɔ dahe sia!
Ekem makpɔ dzidzɔ manyagblɔ
Le wò dzikpɔkpɔ nyui la ta.
Do ŋusẽm to wò Gbɔgbɔ la me
Sɔ gbɔ ŋutɔ le ƒe sia me.

Stanza 7
Meda ‘kpe na wò le wò lɔlɔ̃
Si nèfia mí katã la ta.
Kpe ɖe hiãtɔwo katã ŋuti,
Xɔ woƒe agba tsɔ na wò!
Metsɔ amesiame ƒe luʋɔ
De wò amelɔ̃si la me;
Ẽ, elabena wò ɖeka ko
Enye xexeame ƒe ɖela!

LEAVE A REPLY

Please enter your comment!
Please enter your name here