GEC EWE Hymn

GEC Ewe Hymn 416

Stanza 1
Ɣedzedze nyui la
Yɔ fũ kple dzidzɔ,
Ele keklẽm nyuie
Na mía ƒ’a-nyigba,
Kpɔ eƒe keklẽ ɖa, enyo ŋutɔ!
Ðeɖi ete nye
Ŋutinuwo ŋuti;
Gake azɔ la
Mefɔ kpakple dzidzɔ,
Le Mawu ƒe ŋutikɔkɔe la kpɔm.

Stanza 2
Mina míadzi ha
Eye míakafu
Mía wɔla gã la!
Míatsɔ nu siwo,
katã le mía ‘si la, d’aɔ̃si nɛ faa!
Nunana vavã
Nye míaƒe dzi gbagbã;
Hadzidzi nyuiwo
Nye vɔsasa blibo,
Si ŋuti wòkpɔa dzidzɔ gã lena.

Stanza 3
Mawu kpɔa mía ta
Ŋdi kpakple fiẽ siaa;
Eƒe dɔ nye be,
Wòayra mí tegbee,
‘Ye wòaxe mɔ na dzɔgbevɔ̃e godoo.
Ne míemlɔ ‘nyi la,
Mía Fofo le ŋudzɔ;
Ne míeƒɔ ŋdi la,
Eƒe dɔmenyonyo
Nɔa mía dzi gede ŋtɔ wu gbɔgblɔ gɔ̃.

Stanza 4
Hiã kple fuwo hã
Nu ayi kaba;
Le ahom dziŋɔ
Kple dziya megbe,
Ɣe gaklẽna na mí nyuie gɔ̃ wua tsã.
Dzidzɔ gã ŋutɔ,
Si manya gblɔ nam o,
Makplɔ le dziƒo
Le Paradiso me;
Afi ma nye susuwo naɖo tae!

LEAVE A REPLY

Please enter your comment!
Please enter your name here