GEC EWE Hymn

GEC Ewe Hymn 413

Stanza 1
Mavɔ me ŋdikekeli,
Kekeli tso kekeli me!
Ðo wò kekeli ɖe mí,
Be newòaklẽ na mí ŋdi sia;
Eye wò ŋusẽ naɖu mía zã dzi.

Stanza 2
Na wò ŋdizãmu nyui la
Nadza ɖe mía dzi gbɔdzɔ me,
Ne míakpɔ ŋutifafa
Kple akɔfafa vavãtɔ!
Nàgbɔ ‘gbe wò hame la
Gbe sia gbe!

Stanza 3
Na wò lɔlɔ̃ nade dzo
Mìaƒe dɔ maɖidɔwo me!
Nyɔ mìa dzi kple gbɔgbɔ siaa
Le ŋdi ƒ’a-gudzedze sia me,
Bene míafɔ ɖe tsitre
Anɔ ‘gbe!

Stanza 4
Wò, Aƒetɔ kple fia gã,
Na bena mía ŋutilã sia
Nafɔ kpakple dzidzɔ gã
Le ŋkeke mamlɛtɔ la dzi!
Nublanuikpɔkpɔla, xɔ mí
Ðe gbɔwò!

Stanza 5
Wò, mavɔ me kekeli,
Va klẽ ɖe afi ma na mí!
Va kplɔ mí tso afi sia
Yi ɖe anyigba nyui ma dzi,
Le dzudzɔ mavɔ la me
Aƒetɔ!

LEAVE A REPLY

Please enter your comment!
Please enter your name here